ନୂଆଦିଲ୍ଲୀ: ସର୍ବଦା ନିଜ ବିବାଦୀୟ ମନ୍ତବ୍ୟ ଯୋଗୁଁ ଚର୍ଚ୍ଚାରେ ଥିବା ତ୍ରିପୁରା ମୁଖ୍ୟମନ୍ତ୍ରୀ ବିପ୍ଲବ ଦେବ ପୁଣିଥରେ ସମସ୍ୟାରେ ଛନ୍ଦି ହୋଇଛନ୍ତି । କିନ୍ତୁ ଏଥର ନିଜ ମନ୍ତବ୍ୟ ଯୋଗୁଁ ନୁହେଁ ବରଂ ତାଙ୍କ ବିରୁଦ୍ଧରେ ଘରୋଇ ହିଂସାର ମାମଲା ରୁଜୁ ହୋଇଛି । ବିପ୍ଲବଙ୍କ ପତ୍ନୀ ନୀତି ତାଙ୍କ ବିରୁଦ୍ଧରେ ଘରୋଇ ହିଂସାର ଅଭିଯୋଗ ଆଣିଛନ୍ତି ।
ନୀତି ନୂଆ ଦିଲ୍ଲୀର ତେଜ ହଜାରୀ କୋର୍ଟରେ ଛାଡପତ୍ର ପାଇଁ ନିର୍ଯ୍ୟାତନା ଓ ଘରୋଇ ହିଂସାର ଅଭିଯୋଗ ଆଣିଛନ୍ତି । ବିପ୍ଲବ ଦେବ ୨୦୧୮ରେ ତ୍ରିପୁରାର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ । ସେବେଠାରୁ କ୍ରମାଗତ ସେ ବିବାଦରେ ରହି ଆସୁଛନ୍ତି ।
ବିଗତ ଦିନରେ ସେ କହିଥିଲେ ଯେ ଭାରତରେ ସେଟଲାଇଟ କମ୍ୟୁନିକେଶନ ଓ ଇଣ୍ଟରନେଟ ମହାଭାରତ ସମୟରୁ ରହି ଆସିଛି । ଏତିକି ନୁହଁ ସିଭିଲ ସର୍ଭିସ ପରୀକ୍ଷା କେବଳ ସିଭିଲ ଇଞ୍ଜିନିଅରମାନେ ଦେବା ଉଚିତ ବୋଲି କହିଥିଲେ ସେ ।
