ଡେରାଡୁନ: ଆଜି ଦେଶ ପାଳୁଛି 71 ତମ ସାଧାରାଣତନ୍ତ୍ର ଦିବସ । ସାରା ଦେଶରେ ଉଡ଼ୁଛି ତ୍ରିରଙ୍ଗା ପତାକା । ସାହିରୁ ସହର ଶିକ୍ଷାନୁଷ୍ଠାନ ସମେତ ସରକାରୀ ଓ ବେସରକାରୀ କାର୍ଯ୍ୟାଳୟରେ ମଧ୍ୟ ପାଳନ ହେଉଛି ସାଧାରଣତନ୍ତ୍ର ଦିବସ । ଆଜି ଉତ୍ତରାଖଣ୍ଡ ଋଷିକେଶର ଚନ୍ଦ୍ରେଶ୍ବର ମହାଦେବଙ୍କୁ 3 ରଙ୍ଗର ଫୁଲରେ ସଜାଯାଇଛି।
ତ୍ରୀରଙ୍ଗାରେ ସୁସଜ୍ଜିତ ହୋଇଛନ୍ତି ପ୍ରଭୁ ଚନ୍ଦ୍ରେଶ୍ବର । ଆଜି ସକାଳ ପୂଜା ସମୟରେ ପୂଜକମାନେ ମିଶି ଭଗବାନଙ୍କୁ 3 ରଙ୍ଗର ଫୁଲରେ ସଜେଇଥିବା ଦେଖାଯାଇଛି । ସବୁ ଆଡେ ଏହି ଦିନଟିକୁ ଧୁମଧାମରେ ପାଳନ କରୁଥିୂବା ଦେଖି ମନ୍ଦିରରେ ମଧ୍ୟ ଭିନ୍ନ ଢଙ୍ଗରେ ସାଧାରାଣତନ୍ତ୍ର ଦିବସ ପାଳିଛନ୍ତି ପୂଜକ ।
ସେହି ଭଳି ମହାରାଷ୍ଟ୍ରରେ ସାଧାରଣତନ୍ତ୍ର ଦିବସ ଉପଲକ୍ଷେ 4 ହଜାର ଛାତ୍ରଛାତ୍ରୀ ଏକାଠି ହୋଇ ଜାତୀୟ ପତାକା, ଛତ୍ରପତି ଶିବାଜୀ ମହାରାଜ, ରାଜମାତା ଜିଜାୟୁ ଏବଂ ତାନାଜୀ ମଲୁସାରେଙ୍କ ଏକ ବୃହତ ଫଟୋ ବନେଇଛନ୍ତି ।
