ନୂଆଦିଲ୍ଲୀ: ଦେଶରେ ଲଗାତାର ଭାବେ ବୃଦ୍ଧି ପାଉଛି କୋରୋନା ସଂକ୍ରମଣ । ଯାହାକୁ ନେଇ ବର୍ତ୍ତମାନ ପରିସ୍ଥିତିରେ 61 ଲକ୍ଷ ପାର କରିଛି ଏହି ସଂଖ୍ୟା । ଏହି ଭାଇରସ ଲୋକଙ୍କ ମନରେ ଏକ ପ୍ରକାର ଭୟର ବାତାବରଣ ସୃଷ୍ଟି କରିଛି । ଅନ୍ୟପଟେ ସ୍ବାସ୍ଥ୍ୟ ବିଭାଗ ପକ୍ଷରୁ କୋରୋନା ଟେଷ୍ଟ କରି ସଂକ୍ରମଣ ସଂଖ୍ୟା ହ୍ରାସ କରାଇବାକୁ ପ୍ରତ୍ୟେକ ଦିନ ନିରନ୍ତର କୋରୋନା ଟେଷ୍ଟ କରାଯାଉଛି ।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ରିପୋର୍ଟ ମୁତାବକ, ସେପ୍ଟେମ୍ବର 28 ତାରିଖରେ 11 ଲକ୍ଷ 42 ହଜାର 811 ଟି କୋରୋନା ଟେଷ୍ଟ ସରିଛି । ଯାହାକୁ ମିଶାଇ ବର୍ତ୍ତମାନ ସୁଦ୍ଧା 7 କୋଟି 31 ଲକ୍ଷ 10 ହଜାର 41ଟି କୋରୋନା ଟେଷ୍ଟ କରାଯାଇଛି ।
ବର୍ତ୍ତମାନ ଦେଶରେ 61 ଲକ୍ଷ 45 ହଜାର 292ରେ ପହଞ୍ଚିଛି ପଜିଟିଭ ସଂଖ୍ୟା। ଯେଉଁଥିରେ 96 ହଜାର 318 ଜଣଙ୍କର ମୃତ୍ୟୁ ହୋଇଛି ।
