ନୂଆଦିଲ୍ଲୀ: ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ କହିଛନ୍ତି ଯେ ବର୍ତ୍ତମାନ ରାଜ୍ୟରେ କୋରୋନାର ଗତି ମନ୍ଥର ହୋଇଛି। ଦିଲ୍ଲୀରେ 1142 ଟି ନୂତନ ମାମଲା ସାମ୍ନାକୁ ଆସିଛି। ଏପର୍ଯ୍ୟନ୍ତ ମୋଟ 1,29,531 ମାମଲା ନିଶ୍ଚିତ ହୋଇଛି। ଏଥିସହ 2137 ଜଣ ସୁସ୍ଥ ହୋଇଛନ୍ତି । ଦିଲ୍ଲୀରେ 12 ହଜାର 657 ସକ୍ରିୟ ମାମଲା ରହିଛି।
ସ୍ବାସ୍ଥ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି, ଦେଢ ମାସ ଧରି ଦିଲ୍ଲୀରେ କୋରୋନାରେ ପ୍ରଗତି ଦେଖାଦେଇଛି । ପଜିଟିଭ୍ ହାର ମଧ୍ୟ 5 ପ୍ରତିଶତ ରହିଛି । ଏକଦା ଏହି ହାର 30 ପ୍ରତିଶତ ଥିଲା । ଦେଶର ପଜିଟିଭ୍ ହାର 10 ପ୍ରତିଶତରୁ ଅଧିକ ଓ ଦିଲ୍ଲୀରେ 5ପ୍ରତିଶତ ପାଖାପାଖି ରହିଛି। ଯେତେବେଳେ ଦିଲ୍ଲୀ 30 ପ୍ରତିଶତ ଥିଲା, ସେତେବେଳେ ଦେଶରେ 3-4ପ୍ରତିଶତ ଥିଲା ।
ସକ୍ରିୟ ମାମଲା ସମ୍ପର୍କରେ ସୂଚନା ଦେବା ପରେ ସତ୍ୟନ୍ଦ୍ର ଜୈନ କହିଛନ୍ତି, ‘ଦିଲ୍ଲୀରେ ସକ୍ରିୟ ମାମଲା କମ୍ ରହିଛି କିନ୍ତୁ ଆମକୁ ସତର୍କ ରହିବା ଆବଶ୍ୟକ । ଆମେ ଅଳସୁଆ ହୋଇପାରିବା ନାହିଁ । ଯଦି ଆପଣ ଧ୍ୟାନ ଦିଅନ୍ତି ନାହିଁ ତେବେ ପୁନଃଉଦ୍ଧାର କରିବା କଷ୍ଟକର ହେବ ‘। ଏହାସହ ଦିଲ୍ଲୀ ସରକାର ଅନେକ ଉଦ୍ୟମ କରିଛନ୍ତି ବୋଲି ସେ କହିଛନ୍ତି ।
ଏହାସହ ହୋମ ଆଇସୋଲେସନ ରୋଗୀଙ୍କୁ ଅକ୍ସିମିଟର ଦିଆଯାଉଛି । ଏହା ସେମାନଙ୍କ ଅମ୍ଲଜାନ ମାତ୍ରାକୁ ସ୍ଥିର ରଖିବାରେ ସାହାଯ୍ୟ କରୁଥିବା ନେଇ ସ୍ବାସ୍ଥ୍ୟମନ୍ତ୍ରୀ କହିଛନ୍ତି । ଯଦି ଅମ୍ଲଜାନ ମାତ୍ରା 90ରୁ ତଳକୁ ଖସେ ତେବେ ତୁରନ୍ତ ହସ୍ପିଟାଲ ପହଞ୍ଚିବାକୁ କୁହାଯାଇଥିଲା । ବର୍ତ୍ତମାନ ଡାକ୍ତରଖାନା ଗୁଡିକରେ କେବଳ 18 ପ୍ରତିଶତ ଶଯ୍ୟାରେ ରୋଗୀ ଅଛନ୍ତି।
ରାପିଡ୍ ଟେଷ୍ଟ ଉପରେ ସତ୍ୟେନ୍ଦ୍ର ଜୈନ କହିଛନ୍ତି, ରାପିଡ୍ ଟେଷ୍ଟିଂରେ ପଜିଟିଭ୍ ଆସୁଥିବା ରୋଗୀଙ୍କ ଫଳାଫଳ ସଠିକ୍ ରହୁଛି । ଯେଉଁମାନଙ୍କ ନେଗେଟିଭ୍ ଆସୁଛି ସେମାନଙ୍କ ପାଇଁ ତୁରନ୍ତ RT-PCR ପରୀକ୍ଷା କରାଯାଉଛି । ଅନ୍ୟପକ୍ଷେ ଆଶା କର୍ମୀଙ୍କ ଦରମା ବୃଦ୍ଧି ନେଇ ସେ କହିଛନ୍ତି ଯେ , ଖୁବ ଶୀଘ୍ର ଏହି ସମସ୍ୟାର ସମାଧାନ କରାଯିବ । ସେମାନଙ୍କ କାର୍ଯ୍ୟକୁ ପ୍ରୋତ୍ସୋହିତ କରାଯାଉଛି ।
