ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଖୁବ ପ୍ରଶଂସା କରିଛନ୍ତି କ୍ରକେଟର ଭଗବାନ ସଚିନ ତେନ୍ଦୁଲକର । କାରଣ ହେଉଛି ବିଗତ ଦିନରେ ମାଳଦ୍ବୀପରେ ମୋଦିଙ୍କ କ୍ରିକେଟ ପ୍ରଚାର ।
ଗତ ଜୁନ 8 ତାରିଖରେ ପ୍ରଧାନମନ୍ତ୍ରୀ ମୋଦି ମାଳଦ୍ବୀପ ଗସ୍ତ କରିଥିଲେ । ଏହି ଗସ୍ତ ସମୟରେ ସେ ଭେଟିଥିଲେ ମାଳଦ୍ବୀପ ରାଷ୍ଟ୍ରପତିଙ୍କୁ । ମାଳଦ୍ବୀପ ରାଷ୍ଟ୍ରପତି ଇବ୍ରାହିମ ମୋହମ୍ମଦ ସୋଲି ଜଣେ ବଡ କ୍ରିକେଟ ପ୍ରଶଂସକ । ତେଣୁ ପ୍ରଧାନମନ୍ତ୍ରୀ ମୋଦି ତୋଙ୍କୁ ବିଶ୍ବକପ ଖେଳୁଥିବା ଟିମ ଇଣ୍ଡିଆର ହସ୍ତାକ୍ଷର ଥିବା ଏକ କ୍ରିକେଟ ବ୍ୟାଟ ଉପହାର ସ୍ବରୁପ ପ୍ରଦାନ କରିଥିଲେ ।
ମାଳଦ୍ବୀପ ରାଷ୍ଟ୍ରପତିଙ୍କୁ ଏହି ବ୍ୟାଟ ଭେଟି ଦେଉଥିବା ବେଳର ଫଟୋକୁ ଟ୍ବିଟ କରିଥିଲେ ମୋଦି । ଯାହାକୁ ରିଟ୍ବିଟ କରି ସଚିନ ଓ ଲେଖିଛନ୍ତି, ‘‘କ୍ରିକେଟର ପ୍ରଚାର କରିଥିବାରୁ ଧନ୍ୟବାଦ ମୋଦି ଜୀ । ବିଶ୍ବକପ ଚାଲିଥିବା ବେଳେ କ୍ରିକେଟ କୂଟନୀତିର ଏହା ଏକ ଭଲ ଉଦାହରଣ । ଆଶା କରୁଛି ମାଳଦ୍ୱୀପ ମଧ୍ୟ ଖୁବ ଶୀଘ୍ର କ୍ରିକେଟ ମ୍ୟାଚ ଖେଳୁଥିବା ଦେଖିବାକୁ ମିଳିବ ।"
ବ୍ୟୁରୋ ରିପୋର୍ଟ, ଇଟିଭି ଭାରତ
