ମୁମ୍ବାଇ: ଦେଶରେ କୋରୋନା ମହାମାରୀ ତାର କାୟା ବିସ୍ତାର କରିଥିବାବେଳେ, ସବୁଠୁ ଅଧିକ ଆକ୍ରାନ୍ତ ମହାରାଷ୍ଟ୍ର ହୋଇଛି । ରାଜ୍ୟବାସୀ କିପରି ସୁସ୍ଥ ଆଉ ସୁରକ୍ଷିତ ରହିବେ ସେନେଇ ସରକାର ଅନେକ ପ୍ରକାର ପ୍ରୟାସ ଜାରି ରଖିଛନ୍ତି । ହେଲେ ପ୍ରତିକ୍ଷଣରେ ଏଠାରେ ସଂକ୍ରମିତ ସଂଖ୍ୟା ବୃଦ୍ଧି ପାଉଛି ।
ଏଭଳି ପରିସ୍ଥିତିରେ ପୋଲିସକର୍ମୀ ମାନେ ନିଜ ଜୀବନକୁ ବାଜି ଲଗାଇ ଲୋକଙ୍କୁ ସଚେତନ କରାଇବାରେ ଲାଗିଛନ୍ତି । ସେହିଭଳି ଏକ ସଚେତନତା ଦେଖିବାକୁ ମିଳିଛି ମହାରାଷ୍ଟ୍ରର ନାଗପୁରରେ । କୋରୋନା ଭାଇରସ ମଧ୍ୟରେ ନିଆଯିବାକୁ ଥିବା ସତର୍କତାମୂଳକ କାର୍ଯ୍ୟ ସମ୍ପର୍କରେ ସଚେତନତା ସୃଷ୍ଟି କରିବା ପାଇଁ ପୋଲିସ ନାଗପୁରର ଶାନ୍ତି ନଗର ନିକଟରେ ଏକ କୋଭିଡ ଥିମ୍ ଲଗାଇଛି ।
ଏହା ମାଧ୍ୟମରେ ଲୋକଙ୍କୁ ଘରେ ରହିବା ସହ ସୁସ୍ଥ ଓ ସୁରକ୍ଷିତ ରହିବାକୁ ପୋଲିସ ପକ୍ଷରୁ ନିବେଦନ କରାଯାଇଛି । ତେବେ ପୋଲିସର ଏଭଳି କାର୍ଯ୍ୟକୁ ସବୁମହଲରେ ପ୍ରଶଂସା କରାଯାଇଛି । ସୂଚନାନୂସାରେ, ଜିଲ୍ଲାରେ ମୋଟ କୋଭିଡ-19 ପଜିଟିଭ ମାମଲା 72ରେ ପହଞ୍ଚିଛି ।
