ନୂଆଦିଲ୍ଲୀ: ଏବେ ସାରା ଦେଶ କୋରୋନା ବିରୋଧରେ ଲଢେଇ କରୁଛି । ଏହି ସମୟରେ ଲୋକେ ପଦାକୁ ପାଦ କାଢୁ ନଥିବା ବେଳେ କେବଳ ଅତ୍ୟାବଶ୍ୟକ ସ୍ଥଳରେ ବାହାରକୁ ବାହାରୁଛନ୍ତି । କାଶ୍ମୀରରୁ କନ୍ୟାକୁମାରୀ , କଚ୍ଛରୁ କୋହିମା ସବୁଠି ଶୂନ୍ୟତାର ରାଜୁତି । ହେଲେ ଏବେ ବି ଶାହିନୀବାଗରେ ଆନ୍ଦୋଳନ ଜାରି ରହିଛି ଏବଂ ଆଗକୁ ମଧ୍ୟ ଏପରି ଧାରଣାରେ ବସିବେ ବୋଲି ଚେତାଇ ଦେଇଛନ୍ତି ବିକ୍ଷୋଭକାରୀ ।
କୋରୋନା ସହ ଲଢେଇ କରିବାକୁ ହେଲେ ସାମାଜିକ ଦୂରତା ଗୁରୁତ୍ବ ରହୁଛି । ଫଳରେ ଦେଶବ୍ୟାପୀ ଜନତା କର୍ଫ୍ୟୁ ଜାରି କରାଯାଇ ଲୋକଙ୍କୁ ସଂକ୍ରମଣ ଠାରୁ ଦୂରେଇ ରଖିବାକୁ ଚେଷ୍ଟା କରାଯାଉଛି । ଗୋଟିଏ ପଟେ ମାରାତ୍ମକ ମାହାମାରୀ କୋରୋନା ସହ ଦେଶ ଲଢେଇ କରୁଥିବାବେଳେ ସେହି ଦେଶରେ ଆଇନ ବିରୋଧୀ ଆନ୍ଦୋଳନ ଚାଲୁ ରହିବ ବୋଲି ବିକ୍ଷୋଭକାରୀ କହିଛନ୍ତି ।
ତେବେ ଗତ ଶନିବାର ବିଳମ୍ବିତ ରାତିରେ ବୁଦ୍ଧିଜୀବୀମାନେ ସମସ୍ତ ସତର୍କତାମୂଳକ ପଦକ୍ଷେପ ସହିତ CAA ବିରୋଧରେ ମାତ୍ର 5 ଜଣ ମହିଳା ବିକ୍ଷୋଭ କରିବେ ବୋଲି ନିଷ୍ପତ୍ତି ନେଇଛନ୍ତି । ପର୍ଯ୍ୟାପ୍ତ ପରିମାଣର ସାନିଟାଇଜର ଏବଂ ମାସ୍କ ବ୍ୟବହୃତ ହେବା ସହ ବିକ୍ଷୋଭ ସ୍ଥଳକୁ ନିୟମିତ ବ୍ୟବଧାନରେ ପରିମଳ ରଖାଯାଉଥିବା ବିକ୍ଷୋଭକାରୀ କହିଛନ୍ତି ।
ସୌଜନ୍ୟ @ IANS
