ନୂଆଦିଲ୍ଲୀ: ମହାମାରୀ ମହାବିପତ୍ତି ସମୟରେ ସଶସ୍ତ୍ର ବାହିନୀର ମେଡିକାଲ ସେବାରୁ ଅବସର ନେଇଥିବା ବ୍ୟକ୍ତିଙ୍କ ସମେତ 38,000 ରୁ ଅଧିକ ଡାକ୍ତର ସ୍ବେଚ୍ଛାକୃତ ଭାବେ ସେବା ପ୍ରାଦନ ପାଇଁ ଆଗ୍ରହ ପ୍ରକାଶ କରିଛନ୍ତି । ଶୁକ୍ରବାର ଜଣେ ବରିଷ୍ଠ ଅଧିକାରୀ ଦିନ କହିଛନ୍ତି ଯେ, ମାର୍ଚ୍ଚ 25 ରେ ଅବସରପ୍ରାପ୍ତ ଡାକ୍ତରଙ୍କ ସମେତ ଅନ୍ୟ ଡାକ୍ତରମାନେ ଆଗକୁ ଆସି ମହାମାରୀ ବିରୋଧରେ ଲଢେଇରେ ଯୋଗଦେବାକୁ ସରକାର ନିବେଦନ କରିଥିଲେ।
ଅଧିକାରୀ ଜଣକ ପିଟିଆଇକୁ କହିଛନ୍ତି ଯେ ସରକାର, ଅବସରପ୍ରାପ୍ତ ସଶସ୍ତ୍ର ବାହିନୀ ମେଡିକାଲ ସର୍ଭିସେସ୍, ପବ୍ଲିକ୍ ସେକ୍ଟର କିମ୍ବା ବେସରକାରୀ ଡାକ୍ତରଙ୍କ ସମେତ 38,162 ସ୍ବେଚ୍ଛାସେବୀ ଡାକ୍ତର ସରକାରଙ୍କ ସହ ସାଇନ୍ ଅପ୍ କରିଛନ୍ତି । ଅଧିକାରୀ ଆହୁରି କହିଛନ୍ତି ଯେ ନୀତି ଆୟୋଗ ଏହି ଡାକ୍ତରଙ୍କ ନାମ ଏକ ତାଲିକା ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (NDMA) କୁ ପଠାଇଛନ୍ତି।
ମାର୍ଚ୍ଚ 25 ରେ ନୀତି ଆୟୋଗଙ୍କ ୱେବସାଇଟରେ ପୋଷ୍ଟ କରାଯାଇଥିବା ଏକ ବିବୃତ୍ତିରେ ସରକାର କହିଛନ୍ତି ଯେ ଯେଉଁମାନେ ଏହି ମିଶନରେ ସହଯୋଗ କରିବାକୁ ଚାହୁଁଛନ୍ତି ସେମାନେ ଆୟୋଗର ୱେବସାଇଟରେ ପ୍ରଦତ୍ତ ଲିଙ୍କ ମାଧ୍ୟମରେ ନିଜକୁ ପଞ୍ଜୀକୃତ କରିପାରିବେ ।
ସୂଚନା ଯେ, ଆମେରିକା, ଇଟାଲୀ, ବ୍ରିଟେନ ଏବଂ ଭିଏତନାମ ସମେତ ଅନେକ ଦେଶ ମଧ୍ୟ ମହାମାରୀ ମଧ୍ୟରେ ଅବସରପ୍ରାପ୍ତ ସ୍ବାସ୍ଥ୍ୟ କର୍ମୀଙ୍କୁ ପୁନର୍ବାର କାମ କରିବାକୁ ଅନୁରୋଧ କରିଥିଲେ ସରକାର ।
ଏଠାରେ ସୂଚନା ଯୋଗ୍ୟ ଯେ, ଭାରତରେ କୋରୋନା ମାମଲାର 1,65,799 କୁ ବୃଦ୍ଧି ପାଇଛି, ଯାହା କୋରୋନାଭାଇରସ୍ ମହାମାରୀ ଦ୍ବାରା ବିଶ୍ବର ନବମ ସବୁଠାରୁ ଅଧିକ କ୍ଷତିଗ୍ରସ୍ତ ଦେଶ ହୋଇଛି |ସ୍ବାସ୍ଥ୍ୟ ମନ୍ତ୍ରଣାଳୟ ଶୁକ୍ରବାର କହିଛି ଯେ, କୋରୋନା ଯୋଗୁଁ ମୃତ୍ୟୁ ସଂଖ୍ୟା ଦେଶରେ 4,706 କୁ ବୃଦ୍ଧି ପାଇଛି ।
