ଜୟପୁର: ରାଜସ୍ଥାନରେ ଘୋଡା ବେପାର ମାମଲାରେ ପୂର୍ବରୁ ରାଜସ୍ଥାନର ସ୍ବତନ୍ତ୍ର ଅପରେଶନ ଗ୍ରୁପ ଦ୍ବାରା ଗିରଫ ହୋଇଥିବା ସଞ୍ଜୟ ଜୈନଙ୍କୁ ବର୍ତ୍ତମାନ ଏସିବି ଗିରଫ କରିଛି। ଜେଲରେ ଥିବା ଜୈନଙ୍କୁ ଏସିବି ପ୍ରଡକ୍ସନ ୱାରେଣ୍ଟରେ ଗିରଫ କରିଛି । ଅଭିଯୁକ୍ତ ସଞ୍ଜୟଙ୍କୁ ଗିରଫ କରିବା ପରେ ଏସିବି ମୁଖ୍ୟାଳୟକୁ ଅଣାଯାଇଛି । ସେଠାରେ ତାଙ୍କୁ ଏହି ମାମଲା ସମ୍ପର୍କରେ ପଚରାଉଚରା କରାଯାଉଛି। ଏହା ସହିତ ଦୁର୍ନୀତି ନିବାରଣ ଅଧିନିୟମ ଅନୁଯାୟୀ ଦାଖଲ ହୋଇଥିବା ଦୁଇଟି ଏଫଆଇଆର ଆଧାରରେ ଜୈନାଙ୍କ ବିବୃତ୍ତି ମଧ୍ୟ ରେକର୍ଡ ହେବ।
ତେବେ ଏସିବି ଅଭିଯୁକ୍ତ ସଞ୍ଜୟ ଜୈନଙ୍କୁ ଶୁକ୍ରବାର କୋର୍ଟରେ ହାଜର କରିବ ଏବଂ ରିମାଣ୍ଡରେ ନେବ। ବିଧାୟକ ଘୋଡା ବେପାର ମାମଲାରେ ଏସିବି ଦ୍ବାରା ପଞ୍ଜୀକୃତ ଏଫଆଇଆରରେ ବିଧାୟକ ଉଓଁରଲାଲ ଶର୍ମା ଏବଂ ବିଶ୍ବେନ୍ଦ୍ର ସିଂହଙ୍କ ନାମ ମଧ୍ୟ ରହିଛି । ତେବେ ସୋସିଆଲ ମିଡିଆରେ ଭାଇରାଲ ଅଡିଓ କ୍ଲିପ ଆଧାରରେ ସଞ୍ଜୟ ଜୈନାଙ୍କୁ ଗିରଫ କରାଯାଇ ପଚରାଉଚରା କରାଯାଉଛି।
ଏହା ପୂର୍ବରୁ ଏସଓଜି ଜୈନଙ୍କୁ ଗିରଫ କରି ଜେରା କରିଥିଲା । ସେତେବେଳେ ସେ ଏସଓଜିକୁ ସହଯୋଗ କରିନଥିଲେ। ଏସଓଜି ଅଭିଯୁକ୍ତଙ୍କ ଭଏସ୍ ନମୁନା ରେକର୍ଡ କରିବାକୁ କୋର୍ଟଙ୍କ ଅନୁମତି ମଧ୍ୟ ନେଇଥିଲା । ଏହା ସତ୍ତ୍ବେ ଅଭିଯୁକ୍ତ ତାଙ୍କ ଭଏସ୍ ନମୁନା ଦେବାକୁ ମନା କରିଦେଇଥିଲେ। ଏହାପରେ ଏସଓଜି ଅଭିଯୁକ୍ତଙ୍କୁ କୋର୍ଟରେ ଉପସ୍ଥାପନ କରିଥିଲା ଏବଂ ତାଙ୍କୁ ନ୍ୟାୟିକ ହେପାଜତକୁ ପଠାଯାଇଥିଲା ।
