ପାଟନା: ବିହାର ପାଇଁ ବଜ୍ରପାତ କାଳ। ଚଳିତ ବର୍ଷ ବଜ୍ରପାତ ଯୋଗୁଁ ବିହାରରେ ଅକାଳରେ ଅନେକ ଜୀବନ ଚାଲି ଗଲାଣି । ତେବେ ବୁଧବାର ରାଜ୍ୟରେ ହୋଇଥିବା ବଜ୍ରପାତ ଯୋଗୁଁ 28 ଜଣଙ୍କୁ ମୃତ୍ୟୁ ହୋଇଛି।
ତେବେ ଏହି ମୃତକ ମାନେ ମୁଖ୍ୟତଃ 6ଟି ଜିଲ୍ଲାର ରହିଛନ୍ତି । ସମସ୍ତଙ୍କ ପରିବାରକୁ 4 ଲକ୍ଷ ଲେଖାଏଁ କ୍ଷତିପୂରଣ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନୀତିଶ କୁମାର। ଏହାସହ ମୃତକଙ୍କ ପରିବାର ଲୋକଙ୍କୁ ସମବେଦନା ଜଣାଇଛନ୍ତି।
ଗତ ମାସରେ ବଜ୍ରପାତ ଯୋଗୁଁ ବିହାରରେ 6 ଜଣଙ୍କ ମୃତ୍ୟୁ ହୋଇଥିଲ । ଏଥିପାଇଁ ମଧ୍ୟ ବିହାର ସରକାର 4 ଲକ୍ଷ ଲେଖାଏଁ କ୍ଷତିପୂରଣ ରାଶି ଘୋଷଣା କରିଥିଲେ।
ଅନ୍ୟପଟେ ଆଜି ମଧ୍ୟ ରାଜ୍ୟରେ ପ୍ରବଳ ବର୍ଷା ଓ ବଜ୍ରପାତ ହେବ ବୋଲି ଭାରତୀୟ ପାଣିପାଗ ବିଭାଗ ଆକଳନ କରିଛି। ତେଣୁ ବାହାରକୁ ନଯିବାକୁ ଲୋକମାନଙ୍କୁ ପରାମର୍ଶ ଦିଆଯାଇଛି।
