ପାଟନା: ବଢିବାରେ ଲାଗିଛି ବିହାର ଚମକି ଜ୍ବରର ମୃତ୍ୟୁ ସଂଖ୍ୟା । ଆବଶ୍ୟକୀୟ ପଦକ୍ଷେପ ଗ୍ରହଣ କରାଯାଉଥିଲେ ମଧ୍ୟ ପରିସ୍ଥିତି ସାଙ୍ଘାତିକ ହେବାରେ ଲାଗିଛି । ଏନେଇ ମୁଜାଫରପୁର SKMCH ଯାଇ ସେଠାକାର ସ୍ଥିତି ପରଖଛନ୍ତି କହ୍ନେୟା କୁମାର ।
ମୃତ ବ୍ୟକ୍ତିଙ୍କ ପରିବାର ଓ ଚିକିତ୍ସିତ ହେଉଥିବା ରୋଗୀ ସମ୍ପର୍କୀୟଙ୍କୁ ଭେଟି ସେମାନଙ୍କ ସହ ଆଲୋଚନା ମଧ୍ୟ କରିଛନ୍ତି ସେ । ଖବର ଅନୁଯାୟୀ, CPI ନେତା ତଥା JNU ଛାତ୍ର ସଂସଦର ପୂର୍ବତନ ସଭାପତି ରହିଛନ୍ତି କହ୍ନେୟା କୁମାର ।
ଏପଟେ, ବିହାରରେ ଏନସେଫାଲାଇଟିସ ମୃତ୍ୟୁ ନେଇ କୃଷିମନ୍ତ୍ରୀ ଆବଶ୍ୟକୀୟ ପଦକ୍ଷେପ ଗ୍ରହଣ କରିଛନ୍ତି । କୃଷି ବିଜ୍ଞାନୀ ଓ ଉଦ୍ୟାନ କୃଷି ବିଶେଷଜ୍ଞଙ୍କ ଏକ ଟିମ ଲିଚୁର ପରୀକ୍ଷା ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ତଦନ୍ତ ରିପୋର୍ଟ ଆସିଲା ପରେ ସ୍ପଷ୍ଟ ହେବ ଜ୍ୱର ପାଇଁ ଲିଚୁ ଦାୟୀ କି ନାଁ ।
