ଅମରାବତୀ: ପ୍ରଚଣ୍ଡ ବହୁମତରେ ବିଜୟୀ ଜଗନମୋହନ ରେଡ୍ଡି ଗୁରୁବାର ମୁଖ୍ୟମନ୍ତ୍ରୀ ପଦର ଶପଥ ନେଇଛନ୍ତି । ଆନ୍ଧ୍ର ପ୍ରଦେଶର ଶାସନ ଭାର ସମ୍ଭାଳିବା ପରେ ଜଗନ ବଡ ଘୋଷଣା କରିଛନ୍ତି ।
ଆନ୍ଧ୍ରପ୍ରଦେଶରେ ବାର୍ଦ୍ଧକ୍ୟ ଭତ୍ତା ମାସକୁ 3000 ହଜାର ଟଙ୍କା କରିବା ପାଇଁ ଜଗନ ଘୋଷଣା କରିଛନ୍ତି । ବର୍ତ୍ତମାନ ଯାଏଁ ବାର୍ଦ୍ଧକ୍ୟ ଭତ୍ତା ବାବଦକୁ 2500 ଟଙ୍କା ମିଳୁଥିଲା । ବର୍ଦ୍ଧିତ ବାର୍ଦ୍ଧକ୍ୟ ଭତ୍ତା ପାଇଁ ପ୍ରଥମ ବର୍ଷ 250 ଟଙ୍କା ଓ ଦ୍ବିତୀୟ ବର୍ଷ 250ଟଙ୍କା ବୃଦ୍ଧି କରାଯିବା ନେଇ ସରକାର ନିଷ୍ପତ୍ତି ନେଇଛି ।
ନିର୍ବାଚନରେ ବିଜୟ ପରେ ଓ୍ବାଇଏସଆର କଂଗ୍ରେସ ନିଜ ଘୋଷଣାପତ୍ରରେ ବାର୍ଦ୍ଧକ୍ୟ ଭତ୍ତା ବଢାଇବା ନେଇ ଭୋଟରଙ୍କୁ ପ୍ରତିଶୃତି ଦେଇଥିଲା । ନିଜ ନିର୍ବାଚନୀ ଇସ୍ତାହାରକୁ କୁରାନ, ବାଇବେଲ ଓ ଗୀତା ଭଳି ମାନୁଥିବାବେଳେ ସବୁ ପ୍ରତିଶୃତି ପୁରା କରିବା ନେଇ ଜଗନ କହିଛନ୍ତି ।
