କୋରୋନା ଭାଇରସ୍‌: ସ୍ଥିତି ନିୟନ୍ତ୍ରଣ ନହେଲେ ମେ 15 ସୁଦ୍ଧା 13 ଲକ୍ଷ ଛୁଇଁବ ଆକ୍ରାନ୍ତଙ୍କ ସଂଖ୍ୟା

କୋରୋନାକୁ ନେଇ ସାରା ଦେଶ ଚିନ୍ତାରେ ଥିବାବେଳେ କିଛି ବୈଜ୍ଞାନିକ ଏକ ଆଶ୍ଚର୍ଯ୍ୟ କଲାଭଳି ତଥ୍ୟ ଦେଇଛନ୍ତି । ସ୍ଥିତିକୁ ନିୟନ୍ତ୍ରଣକୁ ନଆଣିଲେ ମେ 15 ତାରିଖ ସୁଦ୍ଧା ଭାରତରେ ଆକ୍ରାନ୍ତଙ୍କ ସଂଖ୍ୟା 13 ଲକ୍ଷ ଛୁଇଁବ ବୋଲି ଆକଳନ କରାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ: କୋରୋନାର ବିଷ ବଳୟରୁ ମୁକୁଳିବାକୁ ଦେଶରେ 21 ଦିନ ପର୍ଯ୍ୟନ୍ତ ଲକ୍‌ଡାଉନ୍‌ ଘୋଷଣା କରାଯାଇଛି । ଏପରି ସ୍ଥିତିରେ ସାମ୍ନାକୁ ଆସିଛି ଆଶ୍ଚର୍ଯ୍ୟ କଲା ଭଳି ତଥ୍ୟ । ଏକ ବୈଜ୍ଞାନିକ ଦଳ କହିଛନ୍ତି, ‘ଦେଶରେ ଏବେ କୋରୋନା ସ୍ଥିତିକୁ ଯଦି ନିୟନ୍ତ୍ରଣ କରାନଯାଏ ତେବେ ମେ 15 ତାରିଖ ସୁଦ୍ଧା ଦେଶରେ ଆକ୍ରାନ୍ତଙ୍କ ସଂଖ୍ୟା 13 ଲକ୍ଷରେ ପହଞ୍ଚିବ ।’

ଯାହା ଏବେ ଚର୍ଚ୍ଚାର ପ୍ରସଙ୍ଗ ପାଲଟିଛି । ତେବେ ଏହାକୁ ମୁକାବିଲା କରିବା ଲାଗି କେହି ବି ଘରୁ ବାହାରକୁ ନବାହାରିବା ପାଇଁ ଅନୁରୋଧ କରାଯାଇଛି । ସୂଚନାଥାଉକି, ଦେଶରେ ବର୍ତ୍ତମାନ 562 ଜଣ ଆକ୍ରାନ୍ତ ଥିବାବେଳେ 40 ଜଣ ସୁସ୍ଥ ହୋଇଛନ୍ତି ।