ନୂଆଦିଲ୍ଲୀ: ଦିଲ୍ଲୀରେ କ୍ରମାଗତ ଭାବରେ କୋରୋନା ମାମଲା ବଢି ବଢି ଚାଲିଛି । କୋରୋନା ଦୃଷ୍ଟିରୁ ଦିଲ୍ଲୀ ଦେଶରେ ଚତୁର୍ଥ ସ୍ଥାନରେ ରହିଛି । ଏହାକୁ ଦୃଷ୍ଟିରେ ରଖି ଦିଲ୍ଲୀରେ ଶନିବାର ସିରୋଲଜିକାଲ ସର୍ଭେ ଆରମ୍ଭ ହୋଇଥିବା ବେଳେ ଆଇସିଏମଆର ଦିଲ୍ଲୀ ସରକାରଙ୍କୁ 50 ହଜାର ଆଣ୍ଟିଜେନ୍ ଆଧାରିତ ରାପିଡ୍ ଟେଷ୍ଟ କିଟ୍ ଯୋଗାଇଛି ।
ତେବେ ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ(ଆଇସିଏମଆର) ଏହି ସମସ୍ତ ଟେଷ୍ଟ କିଟ୍ଗୁଡ଼ିକୁ ଦିଲ୍ଲୀକୁ ମାଗଣାରେ ଯୋଗାଇ ଦେଇଛନ୍ତି ଭାରତ ସରକାର। ତେବେ ଏନେଇ କେନ୍ଦ୍ର ସରକାରଙ୍କ ପକ୍ଷରୁ ସୂଚନା ମିଳିଛି । ଗୃହ ମନ୍ତ୍ରଣାଳୟର ମୁଖପାତ୍ର ଟ୍ୱିଟ୍ କରି କହିଛନ୍ତି, ଗୃହମନ୍ତ୍ରୀ ଅମିତ ଶାହାଙ୍କ ନିର୍ଦ୍ଦେଶ ଅନୁଯାୟୀ ଦିଲ୍ଲୀରେ ଏକ ସିରୋଲଜିକାଲ ସର୍ଭେ ଉପରେ ଆଲୋଚନା କରାଯାଇଥିଲା । ଯାହା ଏନସିଡିସି ଏବଂ ଦିଲ୍ଲୀ ସରକାର ମିଳିତ ଭାବେ କରିବେ।
ତେବେ ଗୃହ ମନ୍ତ୍ରଣାଳୟ ପୂର୍ବରୁ କହିଥିଲେ ଯେ, ଜୁନ୍ 27ରୁ ଜୁଲାଇ 10 ପର୍ଯ୍ୟନ୍ତ ଦିଲ୍ଲୀରେ ପ୍ରାୟ 20 ହଜାର ଲୋକଙ୍କୁ ଯାଞ୍ଚ କରାଯିବ। ସେହିପରି ଏପଟେ ଦିଲ୍ଲୀରେ କ୍ରମାଗତ କୋରୋନା ମାମଲା ବୃଦ୍ଧିକୁ ଦୃଷ୍ଟିରେ ରଖି ଦିଲ୍ଲାରେ ପ୍ରତ୍ୟେକ ଦିନ 18000 ରୁ ଊର୍ଦ୍ଧ୍ବ କୋରୋନା ପରୀକ୍ଷା କରାଯାଉଛି ।
କେନ୍ଦ୍ର ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ରିପୋର୍ଟ ଅନୁଯାୟୀ, ଦିଲ୍ଲୀରେ ବର୍ତ୍ତମାନ କୋରୋନା ଆକ୍ରାନ୍ତଙ୍କ ସଂଖ୍ୟା 73 ହଜାର 780ରେ ପହଞ୍ଚିଛି । ଏଥିସହ ବର୍ତ୍ତମାନ କୋରୋନା କାରଣରୁ 2429 ଆକ୍ରାନ୍ତ ପ୍ରାଣ ହରାଇଲେଣି ।
