ନୂଆଦିଲ୍ଲୀ: କୋରୋନା ବିରୋଧୀ ଲଢେଇ ପାଇଁ ଦେଶବ୍ୟାପୀ ଲକଡାଉନର ଦ୍ବିତୀୟ ଚରଣ ଜାରି ରହିଛି । ଏଥି ଯୋଗୁଁ ପ୍ରବାସୀ ତଥା ଗରିବ ଲୋକଙ୍କ ଅସୁବିଧାକୁ ନେଇ କଂଗ୍ରେସ ପୁଣି ଥରେ କେନ୍ଦ୍ର ସରକାରଙ୍କୁ ଘେରିଛି । ବରିଷ୍ଠ କଂଗ୍ରେସ ନେତା କପିଲ ସିବଲ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । ଗୁରୁବାର କହିଛନ୍ତି ଯେ କେବଳ ଭାଷଣ ଦେଇ ଲୋକଙ୍କୁ ସାହାଯ୍ୟ କରାଯାଇପାରିବ ନାହିଁ, ରାସନ ଦେଇ ଲୋକଙ୍କୁ ସାହାଯ୍ୟ କରାଯାଉ ।
ସିବଲ ଏକ ଟୁଇଟ୍ରେ କହିଛନ୍ତି, "ଆମ ସରକାର ସରକାରଙ୍କୁ ସମର୍ଥନ କରିବାକୁ ପ୍ରସ୍ତୁତ ... କିନ୍ତୁ ସରକାର ମଧ୍ୟ ଲୋକଙ୍କୁ ସମର୍ଥନ କରିବାକୁ ପ୍ରସ୍ତୁତ ହେବା ଉଚିତ୍ । 'ଲାଠିଚାର୍ଜ' କରି ନୁହେଁ କି ଭାଷଣ ଦେଇ ନୁହେଁ ବରଂ ରାସନ ଏବଂ ବଞ୍ଚିବା ପାଇଁ ଟଙ୍କା ଦେଇ ।
କପିଲ ସିବଲ କହିଛନ୍ତି, ଯେଉଁମାନେ ଏହି ପ୍ରବାସୀ ତଥା ଗରିବ ଲୋକଙ୍କୁ ଖାଇବାକୁ ଦେଉଛନ୍ତି ସେମାନଙ୍କୁ ଅଭିବାଦନ ଜଣାଉଛୁ । ସମ୍ପ୍ରଦାୟର ସମର୍ଥନ ସହିତ ଚାଲୁଥିବା ଗୁରୁଦ୍ୱାର, ମନ୍ଦିର, ଏନଜିଓକୁ ଏଥିପାଇଁ ସାଲ୍ୟୁଟ ବୋଲି ସେ ଟ୍ବିଟରେ ଉଲ୍ଲେଖ କରିଛନ୍ତି ।
କଂଗ୍ରେସ 20 ସେପ୍ଟେମ୍ବର ପର୍ଯ୍ୟନ୍ତ ଗରିବଙ୍କ ପାଇଁ ମାଗଣା ରାସନ ଦାବି କରୁଛି ଏବଂ ସୋନିଆ ଗାନ୍ଧୀ ମଧ୍ୟ ପ୍ରଧାନମନ୍ତ୍ରୀଙ୍କୁ ଏନେଇ ଏକ ଚିଠି ଲେଖିଛନ୍ତି ।
@IANS ଇନପୁଟ
