ଲକ୍ଷ୍ନୈା: ଉତ୍ତରପ୍ରଦେଶର ମେରଟ ଅନ୍ତର୍ଗତ ପାରସ ଜିଲ୍ଲାରେ ଥିବା ଏକ କେମିକାଲ କାରଖାନାରେ ଭୟାବହ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ଅନେକ ଶ୍ରମିକ ଫସି ରହିଛନ୍ତି ।
ରଙ୍ଗ କାରଖାନାରେ ଅଗ୍ନିକାଣ୍ଡ,ଶ୍ରମିକ ଫସିଥିବା ଆଶଙ୍କା
ଖରଖୋଦା ଥାନା ଅଧୀନ ନଲଖେଡା ଗ୍ରାମରେ ଥିବା ରଙ୍ଗ କାରଖାନାରେ ନିଆଁ ଲାଗିଛି । କାରଖାନାରେ ଶ୍ରମିକ କାମ କରୁଥିବା ସମୟରେ ଅଗ୍ନିକାଣ୍ଡ ହୋଇଛି । ନିଆଁ ଲାଗିବା ମାତ୍ରେ ଶ୍ରମିକମାନେ କାରଖାନାରୁ ବାହାରକୁ ବାହାରି ଆସିଥିଲେ । ହେଲେ ଆଉ କିଛି ଶ୍ରମିକ ଭିତରେ ଫସି ଥିବା ଆଶଙ୍କା କରାଯାଉଛି । ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ କାରଖାନା ଦୂରରୁ ଦେଖା ଯାଉନଥିଲା । ଚାରିଆଡ ଧୂଆଁମୟ ହୋଇଯାଇଥିଲା । ନିଆଁ ଲାଗିବାରୁ କାରଖାନାର ଲକ୍ଷାଧିକ ଟଙ୍କାର ରଙ୍ଗ ପୋଡି ପାଉଁଶ ହୋଇଛି । ସର୍ଟ ସର୍କିଟ କାରଣରୁ ନିଆଁ ଲାଗିଥିବା ଅନୁମାନ କରାଯାଉଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିବା କାର୍ଯ୍ୟ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
