ଚଣ୍ଡିଗଡ: ଦିନକୁ ଦିନ ନିଶା ଦ୍ରବ୍ୟ କାରବାର ବଢିବାରେ ଲାଗିଛି । ହରିୟାଣାର ଫତେହାବାଦ ଏ ସିର୍ସା ଜିଲ୍ଲାରେ ଡ୍ରଗ୍ସ କାରବାର ଅଭିଯୋଗରେ ତିନିଜଣଙ୍କୁ ଗିରଫ କରିଛି ପୋଲିସ । ସେମାନଙ୍କଠାରୁ 145 କେଜି 500ଗ୍ରାମର ନିଶା ଦ୍ରବ୍ୟ ଜବତ ହୋଇଛି ।
ଫତେହାବଦରେ ପାଟ୍ରୋଲିଂ କରୁଥିବା ସମୟରେ ସନିଆନା ବସଷ୍ଟାଣ୍ଡ ନିକଟରେ ଡ୍ରଗ୍ସ କାରବାର ନେଇ ଖବର ପାଇଥିଲା । ସେଠାରେ ତିନି ଅଭିଯୁକ୍ତ ଗାଡିରେ କିଛି ନିଶା ଚାରା ଲୋଡ କରୁଥିବାର ପୋଲିସ ଦେଖିବାକୁ ପାଇଥିଲା । ଘଟଣାସ୍ଥଳରୁ ଅଭିଯୁକ୍ତ ଖସି ପଳାଇବାକୁ ଚେଷ୍ଟା କରିଥିଲେ । ହେଲେ ପୋଲିସ କୌଶଳ କ୍ରମେ ସମସ୍ତ ତିନିଜଣଙ୍କୁ କାବୁ କରିବାରେ ସଫଳ ହୋଇଛି ।
ତିନି ଜଣଙ୍କୁ ଗିରଫ କରିବା ସହିତ ସେମାନଙ୍କଠାରୁ ପାଞ୍ଚଟି ବ୍ୟାଗରେ ଭର୍ତ୍ତି 145କିଲୋ 500ଗ୍ରାମର ନିଶା ଦ୍ରବ୍ୟ ଜବତ କିରିଛି । ଗିରଫ ଅଭିଯୁକ୍ତମାନେ ହେଲେ ହିସାରର ସୋନୁ,ଜାଲେପୁରର ବାସିନ୍ଦା ସଞ୍ଜୟ ଓ ପୋହରକାର ଅମରଜିତ ବୋଲି ପୋଲିସ ମୁଖପାତ୍ର ସୂଚନା ଦେଇଛନ୍ତି । ଗିରଫଙ୍କ ନାଁରେ ଆଗରୁ ବିଭିନ୍ନ ପୋଲିସ ଷ୍ଟେସନରେ ମାମଲା ରୁଜ୍ଜୁ ଥିବା ଜଣାପଡିଛି ।
@ANI
