ପାଟନା: ତେଲେଙ୍ଗାନା ରାଜ୍ୟପାଳ ଇଏସଏଲ ନରସିଂହମ ବିହାର ଗସ୍ତାରେ ଯାଇଥିବା ବେଳେ ଅସୁସ୍ଥ ହୋଇପଡିଛନ୍ତି । ତାଙ୍କ ଶରୀରରେ ଆଘାତ ଲାଗିଥିବାବେଳେ ହସ୍ପିଟାଲରେ ଭର୍ତ୍ତି କାରଯାଇଛି ।
ସୂଚନାନୂସାରେ, ନରସିଂହମ ଗୟାରେ ନିଜର ପରିବାର ସହିତ ପିଣ୍ଡଦାନ କରିବାପାଇଁ ପହଞ୍ଚିଥିଲେ । ସେହି ସମୟରେ ସେ ବେହୋସ ହୋଇପଡିଥିଲେ । ଏହାପରେ ତାଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିଲା । ରାଜ୍ୟପାଳଙ୍କ ଚିକିତ୍ସାରେ ନିୟୋଜିତ ଥିବା ଡାକ୍ତରଙ୍କ କହିବାନୂଯାୟୀ, ତାଙ୍କର ଅବସ୍ଥା ପୂର୍ବ ଅପେକ୍ଷା ଏବେ ଭଲ ରହିଛି ଆଉ ସେ ଏବେ ହାଇଦ୍ରାବାଦ ଯାଇପାରିବେ ବୋଲି କହିଛନ୍ତି ।
ରାଜ୍ୟପାଳ ଇଏସଏଲ ନରସିଂହମ ରବିବାର ନିଜ ପରିବାର ସହ ପିଣ୍ଡଦାନ ପାଇଁ ବିହାରର ବୋଧଗୟା ଆସିଥିଲେ । ମହାବୋଧି ମନ୍ଦିରରେ ପୂଜାର୍ଚ୍ଚନା କରିଥିଲେ । ତାଙ୍କର ଏହି ଗସ୍ତ ଦୁଇ ଦିନିଆ ଥିଲା ।
