ପାଣାଜୀ: ସାରାଦେଶରେ ଏବେ ବି ଜାରି ରହିଛି କୋରୋନା ପ୍ରକୋପ । ତେବେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ସ୍କୁଲ ଖୋଲିବା ଉପରେ ନେଇଥିବା ନିଷ୍ପତ୍ତି ଉପରେ କିଛି ସରକାର ପରିବର୍ତ୍ତନ କରିଥିବା ବେଳେ ଗୋଆ ସରକାର ନଭେମ୍ବର 21ରୁ ରାଜ୍ୟର ଦଶମ ଓ ଦ୍ବାଦଶ ଶ୍ରେଣୀ ପୁନଃ ଖୋଲିବା ପାଇଁ ନିଷ୍ପତ୍ତି ନେଇଛନ୍ତି । ଏନେଇ ଗୋଆ ସରକାର ଏକ ନୂତନ ଗାଇଡଲାଇନ ଜାରି କରିଛନ୍ତି । ଗାଇଡଲାଇନ ଅନୁଯାୟୀ ଗୋଟିଏ ଶ୍ରେଣୀରେ 12 ରୁ ଅଧିକ ଛାତ୍ରଛାତ୍ରୀ ରହିବେ ନାହିଁ । ଏହା ସହ ଶ୍ରେଣୀ ଗୃହରେ ଛାତ୍ରଛାତ୍ରୀଙ୍କ ମଧ୍ୟରେ ଅତି କମରେ 6 ଫୁଟର ଦୂରତା ରହିବା ନିହାତି ଦରକାର ।
ଦକ୍ଷତା ଭିତ୍ତିକ ତାଲିମ ପାଇଁ ଲାବୋରେଟୋରୀଗୁଡିକରେ ତାଲିମ ଉପକରଣ ବ୍ୟବହାର କରିବା ପୂର୍ବରୁ ଏବଂ ପରେ ସେମାନଙ୍କ ହାତକୁ ସାନିଟାଇଜ କରିବା ଉଚିତ । ଗାଇଡଲାଇନ ଅନୁଯାୟୀ, ଶିକ୍ଷକ କିମ୍ବା କର୍ମଚାରୀଙ୍କ ଦ୍ବାରା ବ୍ୟକ୍ତିଗତ ସୁରକ୍ଷା ଉପକରଣ ଯେପରିକି, ଫେସ୍ କଭର / ମାସ୍କ, ଭିଜର୍, ହ୍ୟାଣ୍ଡ ସାନିଟାଇଜର ଇତ୍ୟାଦିର ବ୍ୟାକ୍ ଅପ୍ ଷ୍ଟକ୍ ରହିବା ଦରକାର ।
ଉଲ୍ଲେଖନୀୟ ଯେ, ଗତ ମାସରେ, ଗୃହ ମନ୍ତ୍ରଣାଳୟ ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳର ସରକାରମାନଙ୍କୁ ଅକ୍ଟୋବର 15 ପରେ ସ୍କୁଲ ଏବଂ କୋଚିଂ ପୁନଃ ଖୋଲିବା ପାଇଁ ନିଷ୍ପତ୍ତି ନେବାକୁ ଅନୁମତି ଦେଇଥିଲା।
@ANI
