ନୂଆଦିଲ୍ଲୀ: ପୂର୍ବରୁ ଦଳରେ ଆଭ୍ୟନ୍ତରୀଣ କଳହ ସହ ସଂଘର୍ଷ କରିଆସୁଥିବା କଂଗ୍ରେସର ବିହାର ନିର୍ବାଚନରେ ସୋଚନୀୟ ପରାଜୟ ପରେ ବଢିଛି ଅଡୁଆ । ପୂନର୍ବାର ଦଳର ନେତୃତ୍ବକୁ ନେଇ ଉଠିଛି ପ୍ରଶ୍ନ । ଦଳର ଅନେକ ନେତା ଖୋଲାଖୋଲି ଭାବରେ ନେତୃତ୍ବକୁ ନେଇ କରୁଛନ୍ତି ସମାଲୋଚନା । କଂଗ୍ରେସ ମଧ୍ୟରେ ଆଭ୍ୟନ୍ତରୀଣ କଳହକୁ ନେଇ ବଡ ବୟାନ ଦେଇଛନ୍ତି ବରିଷ୍ଠ ନେତା ଗୁଲାମ ନବୀ ଆଜାଦ ।
ବିନା କୌଣସି ନେଇ କଂଗ୍ରେସର ହାଇ କମାଣ୍ଡଙ୍କୁ ଟାର୍ଗେଟ କରିଛନ୍ତି ଗୁଲାମ ନବୀ ଆଜାଦ । ସେ କହିଛନ୍ତି ଯେ ଆଜି କଂଗ୍ରେସ ସର୍ବନିମ୍ନ ସ୍ତରରେ ଅଛି । ଆମେ ସମସ୍ତ ପରାଜୟ ଯୋଗୁଁ ଚିନ୍ତିତ ଅଛୁ । ଦଳର ବରିଷ୍ଠ ନେତାମାନଙ୍କର କର୍ମୀମାନଙ୍କ ସହ ସମ୍ପର୍କ ହରାଇଛନ୍ତି । 5 ଷ୍ଟାର ପରମ୍ପରା ଆଧାରରେ ବିଜୟ ପ୍ରାପ୍ତ ହେବ ନାହିଁ । ଗୁଲାମ କହିଛନ୍ତି, ଆଜି ଯାହାକୁ ଟିକଟ ମଳିଯାଉଛି ସେ 5 ଷ୍ଟାର ହୋଟେଲ ବୁକ କରିନେଉଛୁ । ତେବେ ଯେତେ ପର୍ଯ୍ୟନ୍ତ 5 ଷ୍ଟାର ପରମ୍ପରାରର ସମାପ୍ତ ନ ହେଉଛି, ସେଯାଏଁ କୌଣସି ନିର୍ବାଚନରେ ବିଜୟ ହାସଲ କରିହେବ ନାହିଁ ବୋଲି ସ୍ପଷ୍ଟ ଭାବରେ କହିଛନ୍ତି ଗୁଲାମ ନବୀ ।
ଗୁଲାମ ନବୀ ଆଜାଦ କହିଛନ୍ତି, ବ୍ଲକର ଓ ଜିଲ୍ଲାର ଲୋକଙ୍କ ସହ ସମ୍ପର୍କ ବିଚ୍ଛିନ୍ନ ହୋଇଛି। ସମସ୍ୟାଟି ହେଉଛି ଯେ ଯେତେବେଳେ ଆମ ଦଳରେ ଜଣେ ପଦାଧିକାରୀ ନିଯୁକ୍ତ ହୁଏ, ସେତେବେଳେ ସେ ଅକ୍ଷର ପ୍ୟାଡ୍ ଛାପିଦେବା ସହ ଭ୍ରମଣକାରୀ କାର୍ଟ ତିଆରି କରିଦିଏ । ସେ ବୁଝନ୍ତି ଯେ ମୋର କାମ ଶେଷ ହୋଇଗଲା । ହେଲେ ସେହି ଦିନଠାରୁ କାମ ଆରମ୍ଭ ହେବା ଉଚିତ ବୋଲି ଆଜାଦ ନିଜ ପ୍ରତିକ୍ରିୟାରେ କହିଛନ୍ତି ।
ବିହାର ନିର୍ବାଚନ ଏବଂ ଦେଶର ବିଭିନ୍ନ ରାଜ୍ୟରେ ଉପ-ନିର୍ବାଚନରେ କଂଗ୍ରେସର ସୋଚନୀୟ ପରାଜୟ ହୋଇଥିଲା । ସେବେଠାରୁ ଦଳର ଅନେକ ବଡ ନେତା ଅସନ୍ତୋଷ ପ୍ରକାଶ କରିଥିଲେ । ଏକ ସାକ୍ଷାତକାର ସମୟରେ ବରିଷ୍ଠ କଂଗ୍ରେସ ନେତା କପିଲ ସିବଲ କହିଛନ୍ତି ଯେ ରାହୁଲ ଗାନ୍ଧୀ ଦଳର ମୁଖ୍ୟ ହେବାକୁ ଆଗ୍ରହୀ ନୁହଁନ୍ତି ବୋଲି ଘୋଷଣା କରିଥିବାରୁ ଗତ ଦେଢ ବର୍ଷ ଧରି କଂଗ୍ରେସର ସ୍ଥାୟୀ ଅଧ୍ୟକ୍ଷ ନାହାନ୍ତି । ସେ କହିଛନ୍ତି, ଜଣେ ନେତା ବିନା ଦଳ କପରି ଚାଲିବ ବୋଲି ସେ ପ୍ରଶ୍ନ କରିଥିଲେ ।ଏହା ବ୍ୟତୀତ ପି ଚିଦାମ୍ବରମ ମଧ୍ୟ ଦଳର ଦୁର୍ବଳ ସାଂଗଠନିକ ଶକ୍ତିକୁ ସମାଲୋଚନା କରିଛନ୍ତି ।
