ONGC ଗ୍ୟାସ ପାଇପଲାଇନ ଲିକ, ପାଖ ଗାଁରୁ ସ୍ଥାନାନ୍ତରିତ ଲୋକେ

ONGC ଗ୍ୟାସ ପାଇପଲାଇନ ଲିକ । ଆନ୍ଧ୍ରପ୍ରଦେଶ ପୂର୍ବ ଗୋଦାବରୀ ଜିଲ୍ଲାରେ ଘଟିଛି ଏହି ଅଘଟଣ । ଅଧିକ ପଢନ୍ତୁ..

ଅମରାବତୀ: ଆନ୍ଧ୍ରପ୍ରଦେଶ ପୂର୍ବ ଗୋଦାବରୀ ଜିଲ୍ଲାରେ ଅଘଟଣ। । ONGC ଗ୍ୟାସ ପାଇପଲାଇନ ଲିକ । ଶ୍ରମିକମାନେ କାମ କରୁଥିବାବେଳେ ହୋଇଛି ଲିକ । ଖବର ପାଇ ଘଟଣାସ୍ଥଳରେ ପହଞ୍ଚିଲେ ସ୍ଥାନୀୟ ଅଧିକାରୀ ।

ଘଟଣାସ୍ଥଳ ଦେଇ ଯିବାକୁ ଥିବା ସମସ୍ତ ଯାନବାହନ ଚଳାଚଳ ବନ୍ଦ ରହିଛି । ନିକଟରେ ଥିବା ଉପ୍ପିଡି ଗାଁରୁ ଲୋକଙ୍କୁ ଅନ୍ୟସ୍ଥାନକୁ ସ୍ଥାନାନ୍ତରିତ କରାଯାଇଛି । ଏହାସହ ସ୍ଥାନୀୟ ଗାଁମାନଙ୍କରେ ବିଦ୍ୟୁତ ସେବା ବନ୍ଦ କରାଯିବା ସହ କୌଣସି ସ୍ଥାନରେ ନିଆଁ ନ ଜାଳିବା ପାଇଁ ନିର୍ଦ୍ଦେଶ ଦିଆଯାଇଛି ।

ଘଟଣା ପାଇଁ ସ୍ଥାନୀୟ ଲୋକେ ପିଏଫଏଚକୁ ଦାୟୀ କରିଛନ୍ତି । ଲଗାତର ଭାବେ ଏହି ଅଞ୍ଚଳରେ ଗ୍ୟାସ ଲିକ ଲାଗି ରହିଛି । ପାଇପଲାଇନରେ ସଠିକ ରକ୍ଷଣବେକ୍ଷଣା ହେଉନାହିଁ ବୋଲି ଆସିଛି ଅଭିଯୋଗ ।

ବ୍ୟୁରୋ ରିପୋର୍ଟ,ଇଟିଭି ଭାରତ