ହାଇଦ୍ରାବାଦ: ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ । ଘଟଣାରେ ଟ୍ରକ ଡ୍ରାଇଭରକୁ ଗିରଫ କରାଯାଇଛି । ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟ ପକ୍ଷରୁ 3.56 କୋଟି ଟଙ୍କା ମୂଲ୍ୟର ପ୍ରାୟ 1427 କିଲୋଗ୍ରାମ ଗଞ୍ଜେଇ ଜବତ କରାଯାଇଛି । କାର୍ଗୋ ଏରିଆ ଏବଂ ଡ୍ରାଇଭର କ୍ୟାବିନ ମଧ୍ୟରେ ଚତୁରତାର ସହ ଡିଜାଇନ୍ ହୋଇଥିବା ସ୍ବତନ୍ତ୍ର ବାକ୍ସରେ ଏହି ନିଶାଦ୍ରବ୍ୟ ଲୁଚାଇ ଚୋରା ଚାଲାଣ ହେଉଥିଲା ।
ତେବେ ବିଶେଷ ସୂତ୍ରରୁ ମିଳିଥିବା ସୂଚନା ଆଧାରରେ ବିଭାଗର ଅଧିକାରୀମାନେ ଗୁରୁବାର ପନ୍ତାଙ୍ଗି ଟୋଲ ପ୍ଲାଜାରେ ଟାୟାର ବୋଝେଇ ଟ୍ରକକୁ ଅଟକାଇ ଯାଞ୍ଚ କରିଥିଲେ । ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରୁ ଉତ୍ତରପ୍ରଦେଶ ଅଭିମୁଖେ ଯାଉଥିବା ଏହି ଟ୍ରକରେ ସେମାନେ ଛାନବିନ କରିଥିଲେ । ଏହି ସମୟରେ ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଥିଲା ।
ଗଞ୍ଜେଇ ଏବଂ ଗାଡି ଜବତ କରିବା ସହ ଡ୍ରାଇଭରକୁ ଗିରଫ କରାଯାଇଥିଲା।
@PTI
