ନୂଆଦିଲ୍ଲୀ: ମହାରାଷ୍ଟ୍ରରୁ ଲକ୍ଷ୍ନୌକୁ ନେଇ ଯାଉଥିବା ୟୁପି ପୋଲିସ ଗାଡି ହଠାତ୍ ବ୍ୟାବରା ଏବି ରୋଡ ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଛି । ଗାଡି ସାମ୍ନାକୁ ଗାଈ ଆସିଯିବାରୁ ନିୟନ୍ତ୍ରଣ ହରାଇ ଗାଡି ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ପୋଲିସ ଗାଡିରେ ଥିବା କଏଦୀଙ୍କ ମୃତ୍ୟୁ ଘଟିଛି। ୟୁପି ପୋଲିସ ଏସଆଇ ଏବଂ ଗାର୍ଡଙ୍କ ସମେତ 3 ଜଣ ଆହତ ହୋଇଛନ୍ତି।
ରବିବାର ସକାଳ ପ୍ରାୟ ସାଢେ 6ଟା ବେଳେ ଗୁନା ଜିଲ୍ଲାର ସୀମାନ୍ତବର୍ତ୍ତୀ ଅଞ୍ଚଳର ଚାଞ୍ଚୌଡା ପୋଲିସ ଷ୍ଟେସନ ଅନ୍ତର୍ଗତ ଜଗିପୁରା ଟୋଲ ବ୍ଲକ ନିକଟରେ ଏହି ଘଟଣା ଘଟିଥିବା ଜଣାପଡିଛି । ପୋଲିସ ଷ୍ଟେସନ ଅଧିକାରୀ ଆଦିତ୍ୟ ସୋନି କହିଛନ୍ତି ଯେ ୟୁପିର ଲକ୍ଷ୍ନୌ ସହରର ଠାକୁରଗଞ୍ଜ ପୋଲିସ ଷ୍ଟେସନର ପୋଲିସ 2014 ମସିହାରେ ଖସି ପଳାଇଥିବା 65 ବର୍ଷିୟ ଫିରୋଜ ଖାନଙ୍କୁ ଗିରଫ କରୁଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
