କୋଲକାତା: ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଯ୍ୟ ଅସୁସ୍ଥ ହୋଇପଡିଥିବା ନେଇ ଖବର ସାମ୍ନାକୁ ଆସିଛି । ଶ୍ବାସକ୍ରିୟାରେ କଷ୍ଟ ଅନୁଭବ କରୁଥିବାରୁ ବୁଦ୍ଧଦେବଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡିଛି ।
କମ୍ୟୁନିଷ୍ଟ ପାର୍ଟିର ବରିଷ୍ଠ ନେତା ଭଟ୍ଟାଚାର୍ଯ୍ୟ ବର୍ତ୍ତମାନ ଡାକ୍ତରଙ୍କ ତତ୍ବାବଧାନରେ ଅଛନ୍ତି । ତାଙ୍କୁ ଦକ୍ଷିଣ କୋଲକାତାର ଏକ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ଶରୀରରେ ଅମ୍ଳଜାନର ସ୍ତର ଖସିଯାଇଛି । ହେଲେ ଏବେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା କୁହାଯାଇଛି ।
2000ରୁ 2011 ପର୍ଯ୍ୟନ୍ତ ଭଟ୍ଟାଚାର୍ଯ୍ୟ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଥିଲେ। ବୃଦ୍ଧାବସ୍ଥା ହେତୁ ସେ କିଛି ଦିନରୁ ଅସୁସ୍ଥ ଅଛନ୍ତି। ରାଜ୍ୟର ମୁଖ୍ୟମନ୍ତ୍ରୀ ମମତା ବାନାର୍ଜୀ ଭଟ୍ଟାଚାର୍ଯ୍ୟଙ୍କ ସ୍ବାସ୍ଥ୍ୟରେ ଉନ୍ନତି ପାଇଁ ଟ୍ବିଟ ଯୋଗେ ଭଗବାନଙ୍କୁ କରିଛନ୍ତି ପ୍ରାର୍ଥନା ।
