ଲକ୍ଷ୍ନୌ: ଗାଜିଆବାଦର ଶାଲିମର ଗାର୍ଡେନ ଅଞ୍ଚଳରେ ଥିବା କବାଡି ଖାନାରେ ଭୟଙ୍କର ଅଗ୍ନିକାଣ୍ଡ । ନିଆଁ ଲାଗିବା ପରେ ସାରା ଅଞ୍ଚଳରେ ଧୂଆଁ ବ୍ୟାପିବାରେ ଲାଗିଛି । ଘଟଣାସ୍ଥଳରେ ଦୁଇଟି ଅଗ୍ନିଶମ ବାହିନୀ ଗାଡି ପହଞ୍ଚି ନିଆଁ ଲିଭାଇବାକୁ ଚେଷ୍ଟା ଜାରି ରଖିଛନ୍ତି ।
ତେବେ ନିଆଁ କିପରି ଲାଗିଲା ଏହାର କାରଣ ସ୍ପଷ୍ଟ ହୋଇନାହିଁ । ଅଗ୍ନିକାଣ୍ଡ ପୂର୍ବରୁ ସ୍ଥାନୀୟ ଲୋକେ ଉକ୍ତ ସ୍ଥାନରେ କିଛି ନିଆଁ ବାହାରୁଥିବା ଦେଖିବାକୁ ପାଇଥିଲେ ଏହାପରେ ସମଗ୍ର ଅଞ୍ଚଳରେ ଧୂଆଁ ବ୍ୟାପିଯାଇଥିଲା । ତେବେ ଏହି ଅଗ୍ନିକାଣ୍ଡରେ କେହି ମୃତାହତ ହୋଇନାହାନ୍ତି । କିନ୍ତୁ ଏଠାରେ ବିପୁଳ ପରିମାଣର କବାଡିଆ ସାମଗ୍ରୀ ପୋଡି ଯାଇଛି । ଏହି ଗୋଦାମ 80 ଫୁଟା ରୋଡରେ ଅବସ୍ଥିତ । ଯେଉଁଠାରେ ଅନ୍ୟ କବାଡି ଗୋଦାମ ଗୁଡ଼ିକ ମଧ୍ୟ ଅବସ୍ଥିତ ।
ଜନଗହଳିପୂର୍ଣ୍ଣ ଅଞ୍ଚଳରେ କିପରି ଭାବେ ଏହି ବେଆଇନ ଗୋଦାମ ନିର୍ମାଣ କରାଯାଇଥିଲା ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଏନେଇ ତଦନ୍ତ ମଧ୍ୟ କରାଯିବାର ସୂଚନା ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
