ନୂଆଦିଲ୍ଲୀ: ଆଗକୁ ଆସୁଛି ଲୋକସଭା ନିର୍ବାଚନ । ଯାହାକୁ ନେଇ ସମସ୍ତ ରାଜନୈତିକ ଦଳ ଜୋରସୋରରେ ଆରମ୍ଭ କରିଛନ୍ତି ପ୍ରଚାର ପ୍ରସାର । ନିର୍ବାଚନ ଆୟୋଗ ମଧ୍ୟ ନିୟମ ଶକ୍ତ କରିଛନ୍ତି । ରାଲି ଏବଂ ଭାଷଣ ବ୍ୟତୀତ ଇଲେକ୍ସନ କମିଶନ ଏଥର ସୋସିଆଲ ମିଡିଆରେ ମଧ୍ୟ ନଜର ରଖିଛନ୍ତି ।
ତେବେ ନିକଟରେ ଦିଲ୍ଲୀରେ ଭାରତୀୟ ଜନତା ପାର୍ଟିର ବିଧାୟକ ଓମ୍ପ୍ରକାଶ ଶର୍ମା ଫେସବୁକରେ ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କ ଫଟୋ ଦେଇଥିଲେ । ଯାହାକୁ ହଟାଇବା ପାଇଁ ଆଦେଶ ଦେଇଥିଲେ ନିର୍ବାଚନ ଆୟୋଗ । ଏହାସହ ସେ ଏନେଇ ଫେସବୁକକୁ ମଧ୍ୟ ସୂଚୀତ କରିଥିଲେ ।
ପ୍ରଚାର ପ୍ରସାର ନେଇ ନିର୍ବାଚନ ଆୟୋଗ ପ୍ରଥମରୁ ସମସ୍ତ ଦଳ ପାଇଁ ନିର୍ଦ୍ଦେଶନାମା ଜାରି କରିଥିଲେ । କୌଣସି ଦଳର ପାର୍ଟି ବ୍ୟାନର କିମ୍ବା ପୋଷ୍ଟରରେ ସେନାର ଜବାନଙ୍କ ଫଟୋ ବ୍ୟବହାର କରିପାରିବେ ନାହିଁ । ଏଠାରେ ଆପଣଙ୍କୁ କହିରଖୁଛୁ ଯେ, ନିକଟର ଏମିତି ଅନେକ ଫଟୋ ବ୍ୟାନର ଭାଇରାଲ ହେଉଥିଲା ଯେଉଁଥିରେ ୱିଙ୍ଗ କମାଣ୍ଡର ଅଭିନନ୍ଦନଙ୍କ ଫଟୋ ଦେଖିବାକୁ ମିଳିଥିଲା ।
ତେବେ ସବୁଥର ଅପେକ୍ଷା ଏଥର ନିର୍ବାଚନ ଆୟୋଗ ନିର୍ବାଚନକୁ ନେଇ ଅଧିକ ଶକ୍ତ ହୋଇଛନ୍ତି । ସେ ସମସ୍ତ ନେତାଙ୍କର ଆକାଉଣ୍ଟ ସମ୍ପର୍କରେ ସମସ୍ତ ସୂଚନା ମଧ୍ୟ ମାଗିଛନ୍ତି ।
