ନୂଆଦିଲ୍ଲୀ: ଭାରତରେ ଦୃତଗତିରେ ବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଯାହାକୁ ଦୃଷ୍ଟିରେ ରଖି ଟ୍ରେନ ଠାରୁ ଆରମ୍ଭ କରି ବଡ ବଡ ହୋଟେଲ ଏବଂ ସ୍କୁଲ ଓ କଲେଜ ଗୁଡିକର ଗୃହକୁ ଆଇସୋଲେସନ ଓ୍ବାର୍ଡରେ ପରିଣତ କରାଯାଉଛି ।
ଯାହାକୁ ନେଇ ଦିଲ୍ଲୀର ଶିଖ ଗୁରୁଦ୍ୱାର ପରିଚାଳନା କମିଟି (DSGMC) କାର୍ଯ୍ୟକ୍ଷମ 50 ଶଯ୍ୟା ବିଶିଷ୍ଟ ଗୁରୁ ହରକ୍ରିଷ୍ଣ ଡାକ୍ତରଖାନା ଏବଂ 6 ମହଲା ବିଶିଷ୍ଟ 500 ଶଯ୍ୟା ବିଶିଷ୍ଟ ଡାକ୍ତରଖାନା କୋଠାକୁ ଆଇସୋଲେସନ ଓ୍ବାର୍ଡ ପାଇଁ ଦିଲ୍ଲୀ ସରକାରଙ୍କୁ ଦିଆଯାଇଛି । ଆକ୍ରାନ୍ତଙ୍କ ଚିକିତ୍ସା ସହ ସନ୍ଦିଗ୍ଧଙ୍କୁ କ୍ବାରେଣ୍ଟାଇନରେ ରଖିବାକୁ ଗୁରୁଦ୍ୱାର ବାଲା ସାହିବ ଏହି ନିଷ୍ପତ୍ତି ନେଇଥିବା ଡିଏସଜିଏମସିର ଅଧ୍ୟକ୍ଷ ମଞ୍ଜିନ୍ଦର ଏସ ସିରସା କହିଛନ୍ତି ।
