ନୂଆଦିଲ୍ଲୀ: ସୁନନ୍ଦା ପୁଷ୍କର ମୃତ୍ୟୁ ଘଟଣାରେ ଜାମିନରେ ଥିବା କଂଗ୍ରେସ ନେତା ଶଶୀ ଥରୁରଙ୍କୁ ଦିଲ୍ଲୀର ରୋଜ ଆଭିନ୍ୟୁ କୋର୍ଟ ବିଦେଶ ଯିବାକୁ ଅନୁମତି ପ୍ରଦାନ କରିଛି । ଶଶୀ ବିଦେଶକୁ ଯିବାକୁ ଅନୁମତି ଦେବାକୁ ପୂର୍ବରୁ କୋର୍ଟରେ ଆବେଦନ କରିଥିଲେ । କୋର୍ଟ ଏହି ଆବେଦନର ଶୁଣାଣୀ ଫେବୃଆରୀ 22ରେ କରିବାକୁ ନିଷ୍ପତ୍ତି ନେଇଥିଲେ ।
ପତ୍ନୀ ସୁନନ୍ଦା ପୁଷ୍କରଙ୍କ ହତ୍ୟା ମାମଲାରେ ଶଶୀ ଥରୁର ଅଭିଯୁକ୍ତ ରହିଛନ୍ତି । ତେବେ ବର୍ତ୍ତମାନ ସେ ଜାମିନରେ ରହିଛନ୍ତି । ଜାମିନରେ ଆସିବା ସମୟରେ କୋର୍ଟ ତାଙ୍କୁ ବିନା ଅନୁମତିରେ ଦେଶ ଛାଡି ନ ଯିବାକୁ ସର୍ତ୍ତ ରଖିଥିଲା ।
2014 ମସିହା ଜାନୁଆରୀ ମାସରେ ଏକ ହୋଟେଲରେ ସୁନନ୍ଦା ପୁଷ୍କରଙ୍କ ମୃତ୍ୟୁ ହୋଇଥିଲା । ଏହାପରେ ଥରୁରଙ୍କ ବିରୋଧରେ ଆତ୍ମହତ୍ୟା କରିବାକୁ ପ୍ରବର୍ତ୍ତାଇବା ଓ ବର୍ବତାର ପ୍ରଦର୍ଶନ କରିବା ଭଳି ସଙ୍ଗୀନ ଦଫା ଲାଗିଥିଲା ।
@ANI
