ନୂଆଦିଲ୍ଲୀ: ଦିଲ୍ଲୀ ଆଇଆଇଟି ଶିକ୍ଷାନୁଷ୍ଠାନର କମାଲ । ବାୟୁ ପ୍ରଦୂଷଣ ମାପିବା ପାଇଁ ଛାତ୍ରଛାତ୍ରୀ ନିର୍ମାଣ କରିଛନ୍ତି ପ୍ରଦୂଷଣ ମାପକ ଯନ୍ତ୍ର । ଏଥିରେ ପ୍ରଦୂଷଣ ମାତ୍ରା ଯାଞ୍ଚ କରାଯାଇଛି ।
ଏହି ଯନ୍ତ୍ରଟି ବ୍ୟାଟେରୀ ଚାଳିତ ଅଟେ । ଯେ କେହି ବି ଏହାକୁ ପକେଟରେ ଧରି ବୁଲି ପାରିବେ । ଏହି ଯନ୍ତ୍ର ଆପଣଙ୍କୁ ସଠିକ୍ ସମୟରେ ବାୟୁ ପ୍ରଦୂଷଣର ସ୍ତର ସମ୍ପର୍କରେ ସୂଚନା ଦେବ । ଏହାସହ ଏକ ବଡ ମେସିନ୍ ମଧ୍ୟ ତିଆରି କରିଛି ଆଇଆଇଟି । ଉକ୍ତ ମେସିନ୍ ପାଖାପାଖି 1 କିଲୋମିଟର ପରିଧି ଅଞ୍ଚଳର ପ୍ରଦୂଷଣ ମାତ୍ରା ସମ୍ପର୍କରେ ସୂଚନା ଦେବ ।
ତେବେ ସ୍ବଚ୍ଛ ବାୟୁ ଉପରେ ଆଧାରିତ ଏକ ପ୍ରଦର୍ଶନୀ କାର୍ଯ୍ୟକ୍ରମକୁ ଉଦଘାଟନ କରିବା ଅବସରରେ ଏହି ମେସିନ୍କୁ ପ୍ରଦର୍ଶିତ କରାଯାଇଥିଲା । ଏହି ଅବସରରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ସଞ୍ଜୟ ଧୋତ୍ରେ ଯୋଗ ଦେଇ କହିଥିଲେ କି, ପରିବେଶ ସମ୍ପର୍କରେ ସଭିଁଙ୍କୁ ଚିନ୍ତା କରିବା ଆବଶ୍ୟକ । ସ୍ବଚ୍ଛ ପରିବେଶ ପାଇଁ ନାଗରିକଙ୍କୁ ସଚେତନ ହେବା ଆବଶ୍ୟକ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
