ମୁମ୍ବାଇ: ସମାଜରେ ଚିରାଚରିତ ପରମ୍ପରାକୁ ଭାଙ୍ଗିଲେ ଚାରି ବୋହୂ । ପରମ୍ପରା ଅନୁସାରେ ପିତା ଅନ୍ତ୍ୟଷ୍ଟି କ୍ରିୟା ପୁଅ ହିଁ କରିଥାନ୍ତି । ଆଉ ବଡ ପୁଅ ହିଁ ଶେଷ ସମୟରେ ଦେଇଥାଏ ମୁଖାଗ୍ନି। ହେଲେ ଏହି ପରମ୍ପରା ଓ ନିୟମକୁ ଭାଙ୍ଗି ଶାଶୂଙ୍କର ଶେଷକୃତ୍ୟ ଅନ୍ୟ ପାଇଁ ଉଦାହରଣ ପାଲଟିଛନ୍ତି ମହାରାଷ୍ଟ୍ର କାଶୀନାଥ ନଗରର ଚାରି ବୋହୂ ।
ବିଡ ସିଟି କାଶୀନାଥ ନଗରର ସୁନ୍ଦରବାଈ ଦାଗୁଡୁଙ୍କର 83 ବର୍ଷରେ ଦେହାନ୍ତ ହୋଇଥିଲା । ତାଙ୍କର ମୃତ୍ୟୁରେ ପୁରା ପରିବାର ଭାଙ୍ଗିପଡିଥିଲେ । ସୁନ୍ଦରବାଇ ବଞ୍ଚିଥିବା ବେଳେ ନିଜ ବୋହୂଙ୍କୁ ନିଜର ଝିଅ ଭଳି ଦେଖୁଥିଲେ । କେବେ ବେ ସେମାନଙ୍କ ଭିତରେ ବାଛ ବିଚାର କରିନାହାଁନ୍ତି । ଅନ୍ୟପଟେ ବୋହୂ ମଧ୍ୟ ଶାଶୂଙ୍କୁ ଖୁବ ଭଲ ପାଉଥିଲେ । ତାଙ୍କର ମୃତ୍ୟୁ ପରେ ମଶାଣିକୁ ନିଜେ କାନ୍ଧେଇ ନେବେ ବୋଲି ପରିବାର ଆଗରେ ପ୍ରସ୍ତାବ ରଖିଥିଲେ ।
ପରମ୍ପରା ଅନୁସାରେ ଝିଅ ବୋହୂ ମଶାଣିରେ ପାଦ ରଖନ୍ତି ନାହିଁ । ହେଲେ ଏହି ଚାରି ବୋହୂ ସବୁ ନିୟମ ଭଙ୍ଗ କରି ଶାଶୂଙ୍କ ଶେଷକୃତ୍ୟ କରିଥିଲେ । ଏହି ଘଟଣା ବିଡ ସିଟିରେ ପ୍ରଥମ ଥର ହୋଇଛି ବୋଲି କହୁଛନ୍ତି ସ୍ଥାନୀୟ ବାସିନ୍ଦା । ପରମ୍ପରା ଭାଙ୍ଗିଛନ୍ତି ସତ, ପୁଅଙ୍କ ଭଳି ଝିଅ ମଧ୍ୟ ସମାନ ଅଧିକାର ପାଇବାକୁ ହକଦାର ବୋଲି ସମାଜକୁ ବାର୍ତ୍ତା ଦେଇଛନ୍ତି ମୃତ ସୁନ୍ଦରବାଈଙ୍କ ଚାରି ବୋହୂ।
