ଜୟପୁର: ସାମାନ୍ୟ ବଚସାରୁ ଜଘନ୍ୟ ହତ୍ୟାକାଣ୍ଡ । ବାଡେଇ ବାଡେଇ ଦଳିତ ମହିଳାଙ୍କୁ ମାରିଦେଲେ ଦୁବୃର୍ତ୍ତ । ଏଭଳି ଏକ ହୃଦୟଥରା ଘଟଣା ଦେଖିବାକୁ ମିଳିଛି ରାଜସ୍ଥାନ ବିକାନେରରେ । ଛତରଗଡର ଖରବାରା ଗ୍ରାମରେ କିଛିଦିନ ତଳେ 4 ଜଣ ଦୁବୃର୍ତ୍ତ ଜଣେ ମହିଳାଙ୍କୁ ନୃଶଂସ ଭାବରେ ବାଡେଇ ବାଡେଇ ବେହୋସ କରିଦେଇଥିଲେ । ପରେ ମହିଳାଙ୍କୁ ବେହୋସ ଅବସ୍ଥାରେ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା। ଯେଉଁଠି ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ଏହି ମାମଲାରେ ଛତରଗଡ ପୋଲିସ ଷ୍ଟେସନରେ ମାମଲା ରୁଜୁ ହୋଇଛି । ପୋଲିସ 2 ଜଣ ଅପରାଧୀଙ୍କୁ ଗିରଫ କରିଥିବାବେଳେ ଅନ୍ୟ ଦୁଇଜଣ ଫେରାର ଅଛନ୍ତି । ପୋଲିସର କହିବାନୁଯାୟୀ, ଓମ ପ୍ରକାଶ ଓ ସତ୍ୟବୀର ଜେଟ୍ଟ ନାମକ ଦୁଇ ପରିବାର ମଧ୍ୟରୁ କୌଣସି କାରଣରୁ ବଚସା ହୋଇଥିଲା । ଆଉ ଯେବେ ଓମପ୍ରକାଶ ତାଙ୍କ ସ୍ତ୍ରୀ ଓ ପୁତ୍ର ସହ ବାହାରକୁ ବୁଲିବାକୁ ଯାଇଥିଲେ । ସେଠାରେ ସଙ୍ଘବଦ୍ଧ ଭାବରେ ସତ୍ୟବୀର ଜେଟ୍ଟ ଓ ତାଙ୍କ 3 ସାଥୀ ତାଙ୍କ ଉପରେ ଆକ୍ରମଣ କରିଥିଲେ । ଉଭୟଙ୍କ ମଧ୍ୟରେ ମାଡପିଟ ହୋଇଥିଲା । ଯେଉଁଠି ଦଳିତ ମହିଳାଙ୍କର ମୃତ୍ୟୁ ହୋଇଛି । ମୁଖ୍ୟ ଅଭିଯୁକ୍ତ ଫେରାର ଥିବାବେଳେ ପୋଲିସର ତଦନ୍ତ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
