ନୂଆଦିଲ୍ଲୀ: କୋରୋନା ମୁକାବିଲା ପାଇଁ ପୁରା ଦେଶ ଏବେ ଲକଡାଉନ । ହେଲେ ବି ଥମିବାର ନା ନେଉନି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହାର ମୁକାବିଲା କରିବାକୁ କେନ୍ଦ୍ର ଓ ସମସ୍ତ ରାଜ୍ୟ ସରକାର ଏକଜୁଟ ହୋଇ ଦିନ ରାତି କାମ୍ କରୁଛନ୍ତି । ସେପଟେ ଏହି ଲକଡାଉନ ଯୋଗୁଁ ଦିଲ୍ଲୀରେ ହ୍ରାସ ପାଇଛି ଅପରାଧ । ମାର୍ଚ୍ଚ 15 ରୁ 30 ଭିତରେ ଅପରାଧ ସଂଖ୍ୟା ବହୁମାତ୍ରାରେ କମିଛି । ଯେତେବେଳେ କି ଗତ ବର୍ଷ ଏହି ସମୟରେ ଅପରାଧ ମାମଲା ଅଧିକ ରହିଥିଲା ।
ଦିଲ୍ଲୀ ପୋଲିସର ରିପୋର୍ଟ ମୁତାବକ, ଗତ ବର୍ଷ ଏହି ସମୟରେ ଚୋରି ସଂଖ୍ୟା ଥିଲା 109 ଯେତେବେଳେ କି ଚଳିତ ବର୍ଷ ଏହା ରହିଛି 53 । ସେହିପରି ଶିଶୁ ଚାଲାଣ ଗତ ବର୍ଷ ଗୋଟିଏ କେସ ଥିବା ବେଳେ ଗୋଟିଏ ବି ଏମିତି ମାମଲା ସାମନାକୁ ଆସିନାହିଁ । 2019ରେ ନିର୍ଯ୍ୟାତନା 13 ଥିବା ବେଳେ ଚଳିତ ବର୍ଷ ମାତ୍ର 3 ଟି ମାମଲା ସାମନାକୁ ଆସିଛି ।
ସେହିପରି ଗତବର୍ଷ ଅପେକ୍ଷା ଚଳିତ ବର୍ଷ ଛିନତାଇ ମାମଲା ହ୍ରାସ ପାଇଛି । 2019ରେ 294 ଥିବାବେଳେ ଚଳିତ ବର୍ଷ 181 ରହିଛି । ମୋଟରସାଇକେଲ ଚୋରି ମାମଲା ଗତବର୍ଷ 1982 ଥିବାବେଳେ ଚଳିତ ବର୍ଷ ଅପେକ୍ଷାକୃତ କମ ରହିଛି । ସେହିପରି ଚୋରି, ଡକାୟତି, ଅପହରଣ, ଦୁର୍ଘଟଣା ଆଦି ମାମଲା ମଧ୍ୟ କମ ରହିଛି । ତେବେ ଦିଲ୍ଲୀ ପୋଲିସର କହିବାନୁଯାୟୀ ଲକଡାଉନ ଯୋଗୁଁ ଅପରାଧ ସଂଖ୍ୟା ଏତେ ମାତ୍ରାରେ ହ୍ରାସ ପାଇଛି ।
@ANI
