ହାଇଦ୍ରାବାଦ: ପ୍ରାଥମିକ ପରୀକ୍ଷଣ ପରେ ତେଲେଙ୍ଗାନାରେ ଜଣେ କୋରୋନା ଭାଇରସ ଆକ୍ରାନ୍ତ ଓ ଅନ୍ୟ ଦୁଇଜଣ ପଜିଟିଭ୍ ଚିହ୍ନଟ ହୋଇଛନ୍ତି। ତେବେ କାୟା ବିସ୍ତାର ପୂର୍ବରୁ ତେଲେଙ୍ଗାନା ସରକାର ଏନେଇ ସ୍ବତନ୍ତ୍ର ପଦକ୍ଷେପ ଗ୍ରହଣ କରିଛନ୍ତି। ଜନସାଧାରଣଙ୍କ ପରିବହନ ବ୍ୟବସ୍ଥାରେ ପରିଷ୍କାର ପରିଚ୍ଛନ୍ନତା ରକ୍ଷା କରି ଏହି ଜୀବାଣୁ ବିସ୍ତାରକୁ ରୋକିବା ପାଇଁ ସରକାର ବ୍ୟାପକ ଉଦ୍ୟମ କରିଛନ୍ତି।
ଏନେଇ ହାଇଦ୍ରାବାଦ ମେଟ୍ରୋ ରେଳ କର୍ମଚାରୀମାନେ ସମସ୍ତ ଷ୍ଟେସନ ଏପରିକି ମେଟ୍ରୋ କୋଚରେ ଜୀବାଣୁ ନାଶକ ସ୍ପ୍ରେ କରୁଥିବା ଦେଖାଯାଇଥିଲା। ମେଟ୍ରୋ ଷ୍ଟେସନ୍, ଟ୍ରେନ୍ ଏବଂ ସ୍ପର୍ଶ ଭୂପୃଷ୍ଠ, ଏସ୍କାଲେଟର୍ ଏବଂ ହ୍ୟାଣ୍ତେଲ୍ ସାବୁନ୍ ଏବଂ ଡିଟରଜେଣ୍ଟ ସହିତ ସଫା କରାଯାଇଥିଲା ।
"ହାଇଦ୍ରାବାଦ ମେଟ୍ରୋର କର୍ମଚାରୀମାନେ COVID-19 ଯେପରି ବିସ୍ତାର ନହୁଏ ସେଥିପାଇଁ ସମସ୍ତ ପ୍ରକାର ପଦକ୍ଷେପ ଗ୍ରହଣ କରିଛନ୍ତି। ତେବେ ହାଇଦ୍ରାବାଦର ସରକାରୀ ଡାକ୍ତରଖାନାରେ ଜଣେ ବ୍ୟକ୍ତିଙ୍କ ପାଖରେ ଭାଇରସ ପଜିଟିଭ୍ ଚିହ୍ନଟ ପରେ ଏପରି ପଦକ୍ଷେପ ନିଆଯାଇଥିବା ହାଇଦ୍ରାବାଦ ମେଟ୍ରୋ ରେଳର ଏମଡି କହିଛନ୍ତି।
ବସ୍ ଷ୍ଟେସନରେ ଏବଂ ରାଜ୍ୟ ପରିଚାଳିତ ତେଲେଙ୍ଗାନା ରାଜ୍ୟ ସଡକ ପରିବହନ ନିଗମ (TSRTC) ବସ୍ ଭିତରେ ମଧ୍ୟ ଏହିପରି ବ୍ୟାପକ ସଫେଇ କାର୍ଯ୍ୟ କରାଯାଇଥିଲା। ତେଲେଙ୍ଗାନା ମ୍ୟୁନିସିପାଲିଟି ପ୍ରଶାସନ ମନ୍ତ୍ରୀ କେ.ଟି ରାମା ରାଓ ହାଇଦ୍ରାବାଦ ମେଟ୍ରୋ ରେଳ ଏବଂ ରାଜ୍ୟ ପରିବହନ ମନ୍ତ୍ରୀ ପୁବଭଡା ଅଜୟ କୁମାରଙ୍କୁ ହାଇଦ୍ରାବାଦ ମେଟ୍ରୋ ଟ୍ରେନ୍ ଏବଂ ଟିଆରଏସଟିସି ବସ୍ ଭିତରେ ସ୍ବଚ୍ଛତା ପଦକ୍ଷେପ ନେବାକୁ ଅନୁରୋଧ କରିବା ପରେ ଏହି ପଦକ୍ଷେପ ନିଆଯାଇଛି।
