ନୂଆଦିଲ୍ଲୀ: କୋରୋନା ସଙ୍କଟ ସମୟରେ ରାଜନୈତିକ ସ୍ଥିତିକୁ ନେଇ ଭର୍ଚୁଆଲ ବୈଠକ ଡାକିଛନ୍ତି କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ । ରାଜ୍ୟସଭା ସାଂସଦଙ୍କୁ ନେଇ ଏହି ବୈଠକ କରିବେ ସୋନିଆ । ତେବେ 30 ଜୁଲାଇରେ ହେବାକୁ ଯାଉଥିବା ଏହି ବୈଠକରେ ରାଜନୈତିକ ସ୍ଥିତି ସହ କୋରୋନା ଉପରେ ଚର୍ଚ୍ଚା ହେବା ନେଇ ଅନୁମାନ କରାଯାଉଛି ।
ବର୍ତ୍ତମାନ ସମୟରେ ରାଜସ୍ଥାନ ରାଜନୀତିରେ ଜାରି ରହିଛି ମହାସଂଗ୍ରାମ । ତେବେ ଏପରିସ୍ଥିତିରେ ଗେହଲଟ ସରକାରଙ୍କୁ ସଙ୍କଟରୁ ବାହାର କରିବା ପାଇଁ ଆଗାମୀ ରଣନୀତି ଉପରେ ଚର୍ଚ୍ଚା ହୋଇପାରେ । ଅନେପକ୍ଷେ ଦେଶରେ କୋରୋନାର ସ୍ଥିତି ଦିନକୁ ଦିନ ଗମ୍ଭୀର ହେଉଥିବା ବେଳେ ଏହାର ପରିଚାଳନା ନେଇ ସରକାରଙ୍କୁ ଘେରି ଆସୁଛି କଂଗ୍ରେସ । ତେବେ କଂଗ୍ରେସ ଶାସିତ ରାଜ୍ୟଗୁଡିକରେ କୋରୋନାର ସ୍ଥିତି କିପରି ଅଛି, ଏନେଇ ମଧ୍ୟ ଆଲୋଚନା ହେବାର ସମ୍ଭାବନା ରହିଛି ।
