ବେଜିଂ: ବିଶ୍ବବ୍ୟାପୀ କୋରୋନା ନିଜର କାୟା ବିସ୍ତାର କରିଚାଲିଥିବା ବେଳେ ମଙ୍ଗଳବାର ଉହାନ ପହଞ୍ଚି ସ୍ଥିତି ସମୀକ୍ଷା କରିଛନ୍ତି ରାଷ୍ଟ୍ରପତି ସି ଜିନପିଙ୍ଗ । ଚୀନରେ କୋରୋନା ସ୍ଥିତି ସମୀକ୍ଷା ନେଇ ରାଷ୍ଟ୍ରପତିଙ୍କ ଏହା ପ୍ରଥମ ଗସ୍ତ । ଉହାନରେ କିପରି କୋରୋନାର ମୁକାବିଲା ପାଇଁ କାର୍ଯ୍ୟ ଚାଲିଛି ଓ ଏହାକୁ କିପରି ନିୟନ୍ତ୍ରଣ କରାଯାଉଛି ତାହା ସେ ସମୀକ୍ଷା କରିଛନ୍ତି ।
ତେବେ କୋରୋନାର ଉତ୍ପତ୍ତିସ୍ଥଳ କୁହାଯାଉଥିବା ହୁବେଇ ଓ ଏହାର ରାଜଧାନୀ ଉହାନରେ ପହଞ୍ଚି ସ୍ଥିତି ପରଖିଛନ୍ତି ରାଷ୍ଟ୍ରପତି । ସେଠାରେ ଅହରହ କାର୍ଯ୍ୟରତ ଥିବା ସେନା ଅଧିକାରୀ, ସ୍ବାସ୍ଥ୍ୟକର୍ମୀ, ସମାଜସେବୀ, ପୋଲିସ ଓ ସ୍ବେଚ୍ଛାକୃତ ସାହାଯ୍ୟକାରୀଙ୍କୁ ରାଷ୍ଟ୍ରପତି ସେମାନଙ୍କର ଅବିରତ ସେବା ପାଇଁ ଧନ୍ୟବାଦ ଜଣାଇଛନ୍ତି । ଏଥିସହ ବିପଦ ସମୟରେ ବି ଏକତାର ପରିଚୟ ଦେଇ ପରସ୍ପରକୁ ସାହାଯ୍ୟ କରୁଥିବାରୁ ମଧ୍ୟ ସେ କୃତଜ୍ଞତା ଜଣାଇଛନ୍ତି ।
ଉହାନ ପହଞ୍ଚି ସ୍ଥିତି ପରଖି ରାଷ୍ଟ୍ରପତି ସମସ୍ତଙ୍କୁ ସାହାଯ୍ୟ ଓ ସହଯୋଗ କାମନା କରିବା ସହ ଉହାନବାସୀଙ୍କ ଦୃଢ ମନୋବଳକୁ ସମ୍ମାନ ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
