ନୂଆଦିଲ୍ଲୀ: ଆତଙ୍କ ସୃଷ୍ଟି କରୁଛି କୋରୋନା । ଦିନକୁ ଦିନ ଭୟଙ୍କରରୁ ଅତି ଭୟଙ୍କର ହେଉଛି ଏହି ଭାଇରସ । ଯାହାର ଜାଲରେ ଛନ୍ଦି ହୋଇପଡିଛି ଚୀନ ସମେତ 48 ଟି ଦେଶ । ଏହି ପ୍ରାଣଘାତୀ ଭାଇରସ ପାଇଁ ଚୀନରେ ଶୁକ୍ରବାର ସୁଦ୍ଧା 3042 ଲୋକ ପ୍ରାଣ ହରାଇ ସାରିଲେଣି । ଏଥିସହ ଆକ୍ରାନ୍ତଙ୍କ ସଂଖ୍ୟା 80552ରେ ପହଞ୍ଚିଛି ।
ଏପଟେ ବିଶ୍ବ ସ୍ବାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ, ସମଗ୍ର ବିଶ୍ବରେ COVID-19 ର 2,241 ନୂତନ ମାମଲା ରିପୋର୍ଟ ହୋଇଛି । ଏଥିସହ ସମଗ୍ର ବିଶ୍ବରେ ଆକ୍ରାନ୍ତଙ୍କ ସଂଖ୍ୟା 95,333 ପହଞ୍ଚିଛି ।
ସୂଚନାଯୋଗ୍ୟ, ଚୀନ ସମେତ ଦକ୍ଷିଣ କୋରିଆ, ଇଟାଲୀ, ଇରାନରେ ମଧ୍ୟ କୋରୋନା ଭୟଙ୍କର ସ୍ଥିତି ନେଇଛି । ତେବେ ପ୍ରଥମ ଥର ଆମେରିକାର ଓରେଗନ ଅଞ୍ଚଳରେ ଜଣେ କୋରୋନା ପଜିଟିଭଙ୍କୁ ଚିହ୍ନଟ କରାଯାଇଛି । ବର୍ତ୍ତମାନ ସୁଦ୍ଧା ଆମେରିକାରେ 3ଜଣଙ୍କ ଠାରେ କୋରୋନା ଚିହ୍ନଟ ହୋଇଛି ।
@ANI
