ଚେନ୍ନାଇ: ଶୁକ୍ରବାର ଠାରୁ ଦୁଇ ଦିନିଆ ଗସ୍ତରେ ଭାରତ ଆସିଛନ୍ତି ଚୀନ ରାଷ୍ଟ୍ରପତି ସି ଜିନପିଙ୍ଗ । ଗତକାଲି ତାଙ୍କର ସ୍ବାଗତ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ରହିଥିଲା ଚେନ୍ନାଇ । ଭାରତୀୟ ସଂସ୍କୃତିର ସାଜସଜ୍ଜାରେ ତାଙ୍କୁ ସ୍ବାଗତ କରଯାଇଥିଲା।
ପ୍ରାୟ 18 ପ୍ରକାର ଫଳ ଓ ପରିବାକୁ ବ୍ୟବହାର କରି ଏକ ବୃହତ ତୋରଣ ନିର୍ମାଣ କରାଯାଇ ଚୀନ ରାଷ୍ଟ୍ରପତିଙ୍କୁ ସ୍ବାଗତ କରାଯାଇଥିଲା। ତେବେ ଚେନ୍ନାଇର ଏହି ବ୍ୟାପକ ପ୍ରସ୍ତୁତି ମଧ୍ୟରେ ଦେଖିବାକୁ ମିଳିଛି ଏକ ଅପୂର୍ବ କଳାକୃତିର ଝଲକ୍ । ତରଭୁଜରେ କରାଯାଇଛି ମୋଦି-ଜିନପିଙ୍ଗ ଚିତ୍ରକଳା।
ତରଭୁଜ ଚିତ୍ର କଳାରେ ମୋଦି-ଜିନପିଙ୍ଗ
ତାମିଲନାଡୁ ଥେନି ଜିଲ୍ଲାର ଏମ ଏଲଂଚୋଜିୟନ ନାମକ ଜଣେ ଚିତ୍ରଶିଳ୍ପୀ ଏକ ତରଭୁଜକୁ କାଟି କରିଛନ୍ତି ମୋଦି-ଜିନପିଙ୍ଗଙ୍କ ଚିତ୍ର। ଜିନପିଙ୍ଗଙ୍କ ଭାରତ ଗସ୍ତର ଶନିବାର ହେଉଛି ଦ୍ବିତୀୟ ଦିନ। ଏହି ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଏକ ଅନୌପଚାରିକ ବୈଠକ କରୁଛନ୍ତି। ଶନିବାର ସକାଳ 10ଟା ସମୟରେ ତାଜ ଫିସରମ୍ୟାନରେ ଏହି ବୈଠକ ଅନୁଷ୍ଠିତ ହୋଇଯାଇଛି।
