ଜୟପୁର: ରାଜସ୍ଥାନରେ 6 ବିଏସପି ବିଧାୟକ କଂଗ୍ରେସରେ ସାମିଲ ମାମଲାକୁ ନେଇ ହାଇକୋର୍ଟରେ ପହଞ୍ଚିଛନ୍ତି ବିଏସପି ରାଜ୍ୟ ସଭାପତି । ରାଜ୍ୟସଭାପତି ଭଗବାନ ସିଂ ସେମାନଙ୍କ ବିରୋଧରେ ହାଇକୋର୍ଟରେ ଯାଚିକା ଦାୟର କରିଛନ୍ତି ।
ହାତୀ ଚିହ୍ନରେ ବିଜୟ ଲାଭ କରି କଂଗ୍ରେସରେ ସାମିଲ ହୋଇଥିବାରୁ ଏହା ଜନତା ଓ ଦଳ ପ୍ରତି ବିଶ୍ବାସଘାତ ବୋଲି ସେ କହିଛନ୍ତି । ଏହାସହ ଏହା ଅସାମ୍ବିଧାନିକ ବୋଲି ଜଣାଇ ହାଇକୋର୍ଟରେ ଯାଚିକା ଦାୟର କରିଛନ୍ତି ।
ସେପଟେ ଗତକାଲି ଯଦି ବିଧାନସଭାରେ ଅନାସ୍ଥା ପ୍ରସ୍ତାବ ଆସେ ତେବେ ବିଏସପିର 6 ବିଧାୟକ କଂଗ୍ରେସ ସରକାରର ବିରୋଧରେ ଭୋଟ ଦେବାକୁ ବିଏସପି ହ୍ବିପ୍ ଜାରି କରିଥିଲା । ଯାହା ଏବେ ସବୁଠୁ ଚର୍ଚ୍ଚାର ପ୍ରସଙ୍ଗ ପାଲଟିଛି ।
ସୂଚନାଥାଉକି, 2019 ମସିହା ଡିସେମ୍ବର 18 ତାରିଖରେ ବିଏସପିର 6 ଜଣ ବିଧାୟକ କଂଗ୍ରେସ ଦଳରେ ସାମିଲ ହୋଇଥିବା ଦାବି କରିଛନ୍ତି । ଏହାସହ ସେମାନେ ଏବେ କଂଗ୍ରେସ ବିଧାୟକଙ୍କ ସହିତ ହୋଟେଲରେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
