ଲକ୍ଷ୍ନୌ: ରାଜନୀତିର ଅନ୍ଧକାର ଗଳି ଦେଇ ଗତି କରୁଥିବା ବିଏସପି ସୁପ୍ରିମୋ ମାୟାବତୀଙ୍କ ଘରରେ କିଛି ସମୟ ପାଇଁ ଛାଇଯାଇଥିଲା ଅନ୍ଧାର । ମାୟାବତୀ ନିଜ ଘରର ବିଦ୍ୟୁତ ବକେୟା ବିଲ୍ ପଇଠ ନକରିଥିବାରୁ ବିଦ୍ୟୁତ ସଂଯୋଗ କାଟି ଦିଆଯାଇଥିଲା । ଦୀର୍ଘ ଦିନରୁ ବକେୟା ଥିଲା ଏହି ବିଲ୍। ଆପଣ ଜାଣି ଆଶ୍ଚର୍ଯ୍ୟ ହେବେ । ହଜାରେ ନୁହେଁ କି 5 ହଜାର ନୁହେଁ । ନିଜ ଘରର ବିଜୁଳି ବାବଦକୁ 67,000 ଟଙ୍କା ବକେୟା ରଖିଥିଲେ ମାୟାବତୀ ।
ବିଦ୍ୟୁତ ସଂଯୋଗ କାଟି ଦିଆଯିବା କ୍ଷଣି ମୟାବତୀଙ୍କ ପରିବାର ପକ୍ଷରୁ 50 ହଜାର ଟଙ୍କାର ନଗଦ ଅର୍ଥ ବିଦ୍ୟୁତ ବିଭାଗରେ ପଇଠ କରାଯାଇଥିଲା । ଏହାପରେ ସଙ୍ଗେସଙ୍ଗେ ମାୟାବତୀଙ୍କ ଘରର ବିଦ୍ୟୁତ ସଂଯୋଗ ଦେଇ ଦିଆଯାଇଛି । ବିଦ୍ୟୁତ ସଂଯୋଗ କଟାଯିବା ପଛରେ କୌଣସି ରାଜନୈତିକ ମନୋବୃତି ନଥିବା ଲକ୍ଷ୍ନୌର ବିଦ୍ୟୁତ ବିଭାଗ ପକ୍ଷରୁ ସୂଚନା ଦିଆଯାଇଛି ।
