ରାଞ୍ଚି: ନଦୀରେ ବୁଡୁ ବୁଡୁ ଅଳ୍ପକେ ବର୍ତ୍ତିଲେ ବର-କନ୍ୟା । ଝାଡଖଣ୍ଡ ସତବରୱା ଥାନା ଅଞ୍ଚଳ ମଲୟ ନଦୀରେ ବୁଡି ଯାଉଥିବା ନବ-ଦମ୍ପତ୍ତିକୁ ଉଦ୍ଧାର କଲେ ଗ୍ରାମବାସୀ । ଏହି ବର-କନ୍ୟା ବିବାହ ସାରି କାରରେ ଫେରୁଥିବାବେଳେ ସହିତ ନଦୀରେ ସୁଅରେ ଭାସିଥିଲେ ।
ପଲାମୁ ଲେସଲିଗଞ୍ଜ ପୋଲିସ ଷ୍ଟେସନ ଅଞ୍ଚଳର ରାଜହାରର ଦିଗବିଜୟ ସିଂଙ୍କ ଲାତୋହାରର ମଟଲୋଙ୍ଗର ଖୁସବୁ କୁମାରୀଙ୍କ ସହିତ ସତବରୱା ସ୍ଥିତ ଏକ ମନ୍ଦିରରେ ବିବାହ କରିଥିଲେ। ବିବାହ ସମ୍ପନ୍ନ ହେବା ପରେ ଉଭୟେ ଏକ କାର ଯୋଗେ ଲେସଲିଗଞ୍ଜର ରାଜହାରକୁ ଯାଉଥିଲେ ।
ଏହି ସମୟରେ ସତବରୱାର ମଲୟ ନଦୀ ଉପରେ ପୋଲ ଉପରେ ପ୍ରବଳ ଜଳସ୍ରୋତ ପ୍ରବାହିତ ହେଉଥିଲା । ପାଣିର ସ୍ରୋତ ଏତେ ମାତ୍ରାରେ ଥିଲା ଯେ, କାରଟି ନଦୀରେ ଭାସି ଯାଇଥିଲା । ଏହା ପରେ ଉଦ୍ଧାର ପାଇଁ ବର-କନ୍ୟା ଓ ଡ୍ରାଇଭର ଚିତ୍କାର କରିବାକୁ ଲାଗିଥିଲେ ।
ଚିତ୍କାର ଶୁଣି ବାହାଘର ସମୟରେ ଆସିଥିବା ବରଯାତ୍ରୀ ଓ ଗ୍ରାମବାସୀ କାରକୁ ଉଦ୍ଧାର କରିବାକୁ ଚେଷ୍ଟା କରିଥିଲେ କିନ୍ତୁ କାରଟି ନଦୀ ଭାସି ଯାଇଥିଲା । ଏହା ପରେ ନବ-ଦମ୍ପତିଙ୍କୁ ବଞ୍ଚାଇବା ପାଇଁ ଶହ ଶହ ଗ୍ରାମବାସୀ ଏକତ୍ରିତ ହୋଇଥିଲେ। ପ୍ରାୟ ଅଧ କିଲୋମିଟର ଦୂରକୁ ଯିବା ପରେ କାରଟି ଗୋଟିଏ ସ୍ଥାନରେ ଅଟକି ଯାଇଥିଲା । ଏହା ପରେ ଗ୍ରାମବାସୀ ନଦୀକୁ ଯିବାକୁ ସାହସ କରି କାରକୁ ଦଉଡିରେ ବାନ୍ଧି ସମସ୍ତଙ୍କୁ କୌଣସି ପ୍ରକାରରେ ଉଦ୍ଧାର କରିପାରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
