ମୁମ୍ବାଇ: ମହାରାଷ୍ଟ୍ର ନିର୍ବାଚନ ପାଇଁ ବିଜେପି ଓ ଶିବସେନା ନିଜ ନିଜ ପ୍ରାର୍ଥୀ ତାଲିକା ଘୋଷଣା କରିଛନ୍ତି । ବିଜେପି 125 ପ୍ରାର୍ଥୀଙ୍କ ପ୍ରଥମ ଲିଷ୍ଟ ଜାରି କରିଛି । ଅନ୍ୟପକ୍ଷେ ଶିବସେନା 124 ଆସନରେ ଲଢିବା ନେଇ ନିଷ୍ପତ୍ତି ହୋଇଛି ।
ତାଲିକା ଅନୁଶାରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ନାଗପୁର ଦକ୍ଷିଣ-ପଶ୍ଚିମରୁ ନିର୍ବାଚନ ଲଢିବେ । ସେହିପରି ମହାରାଷ୍ଟ୍ର ବିଜେପି ରାଜ୍ୟ ସଭାପତି ଚନ୍ଦ୍ରକାନ୍ତ ପାଟିଲ କୋଥରୁଡ ଓ ପଙ୍କଜା ମୁଣ୍ଡେ ପରଲି ଆସନରୁ ପ୍ରାର୍ଥୀ ହୋଇଛନ୍ତି ।
ଲୋକସଭା ନିର୍ବାଚନ ସମୟରେ କଂଗ୍ରେସ ଛାଡି ବିଜେପିରେ ସାମିଲ ହୋଇଥିବା ରାଧାକୃଷ୍ଣ ବିଖେ ପାଟିଲଙ୍କୁ ଶିରିଡିରୁ ଟିକଟ ମିଳିଛି । ସେହିପରି ରାଷ୍ଟ୍ରମନ୍ତ୍ରୀ ଗିରିଶ ମହାଜନଙ୍କୁ ଜାମନେରରୁ ପ୍ରାର୍ଥୀ କରାଯାଇଛି ।
ମହାରାଷ୍ଟ୍ର ବିଧାନସଭାରେ ମୋଟ 288 ସିଟ ରହିଛି । ବିଜେପି-ଶିବସେନା ମଧ୍ୟରେ 249 ସିଟ ପାଇଁ ସହମତି ହୋଇସାରିଥିବା ବେଳେ ବାକି 39 ସିଟର ନିଷ୍ପତ୍ତି ଆସିବା ବାକି ରହିଛି । ବିଜେପିରେ ବର୍ତ୍ତମାନର 12 ଜଣ ବିଧାୟକଙ୍କ ଟିକଟ କାଟି ଦିଆଯାଇଥିବା ବେଳେ 52 ଜଣ ବିଧାୟକଙ୍କୁ ଟିକଟ ପ୍ରଦାନ କରାଯାଇଛି ।
