ଚେନ୍ନାଇ: ଭିଡିଓ କନଫରେନ୍ସିଂ ମାଧ୍ୟମରେ ଗୁରୁବାର ସକାଳେ ସର୍ବ ଦଳୀୟ ବୈଠକ ଅନୁଷ୍ଠିତ ହେବ ବୋଲି ଘୋଷଣା କରିଛନ୍ତି ଡିଏମକେ ସଭାପତି ଏମ.କେ ଷ୍ଟାଲିନ । ତାମିଲନାଡୁ ବିଧାନସଭାରେ ବିରୋଧୀ ଦଳର ନେତା ଷ୍ଟାଲିନ କହିଛନ୍ତି ଯେ ଏପ୍ରିଲ 15ରେ ଦଳ ଏହାର ମୁଖ୍ୟ କ୍ବାର୍ଟରରେ ଏକ ଦଳୀୟ ବୈଠକ ଡାକିଥିଲା କିନ୍ତୁ ସହରର ପୋଲିସ ଏଥିପାଇଁ ଅନୁମତି ଦେବାକୁ ମନା କରିଦେଇଥିଲା ।
ବିଭିନ୍ନ ନିୟମାବଳୀକୁ ପାଳନ କରିବା ସହ ସାମାଜିକ ଦୂରତା ରକ୍ଷା କରି ଏହି ବୈଠକ ଅନୁଷ୍ଠିତ ହେବ ବୋଲି ନିଶ୍ଚିତ ହୋଇଥିବା ସତ୍ତ୍ବେ ପୋଲିସ ଅନୁମତି ମନା କରିଦେଇଛି ବୋଲି ଷ୍ଟାଲିନ ମଙ୍ଗଳବାର ବିଳମ୍ବିତ ରାତିରେ ଏକ ବିବୃତ୍ତିରେ କହିଛନ୍ତି । ସେହିଭଳି ସେ କହିଛନ୍ତି ଯେ ମୁଖ୍ୟମନ୍ତ୍ରୀ କେ.ପାଲାନିସ୍ବାମୀ ମନ୍ତ୍ରୀ, ଅଧିକାରୀ, ଡାକ୍ତରୀ ବିଶେଷଜ୍ଞ ଏବଂ ଏପରିକି ରାଜ୍ୟ ସଚିବାଳୟରେ ଧାର୍ମିକ ନେତାଙ୍କ ସହ ଆଲୋଚନା କରିଛନ୍ତି । ସେହି ପରିପ୍ରେକ୍ଷୀରେ କୋଭିଡ -19 ସହ ଜଡିତ ପ୍ରସଙ୍ଗ ଉପରେ ଆଲୋଚନା କରିବାକୁ ଡିଏମକେ ଦ୍ବାରା ଏକ ସର୍ବ ଦଳୀୟ ବୈଠକ ଡକାଯାଇଥିଲା।
@IANS
