ନୂଆଦିଲ୍ଲୀ: କୋରୋନା ମୁକାବିଲାକୁ ନେଇ ବହୁ ନେତା ମନ୍ତ୍ରୀଙ୍କ ଠାରୁ ଆରମ୍ଭ କରି ଅଭିନେତା/ ଅଭିନେତ୍ରୀମାନେ ପ୍ରଧାମନ୍ତ୍ରୀଙ୍କ ରିଲିଫ ପାଣ୍ଠିକୁ କୋରୋନା ସହାୟତା ରାଶି ପ୍ରଦାନ କରୁଛନ୍ତି । ଏହି କ୍ରମରେ ଏମ୍ସ ଡାକ୍ତର ତଥା ଜାତୀୟ ସାଇନ୍ସ-ଟେକ୍ ରେ ଆୱାର୍ଡ ଜିତିଥିବା ଉମା କୁମାର ପ୍ରଧାମନ୍ତ୍ରୀଙ୍କ ରିଲିଫ ପାଣ୍ଠିକୁ ତାଙ୍କର 2 ଲକ୍ଷ ପୁରସ୍କାର ରାଶି ଦାନ କରିଛନ୍ତି ।
ଏକ ସୂତନ୍ତ୍ର ଗଣମାଧ୍ୟମକୁ ଏମ୍ସର ରିମାଟୋଲୋଜି ବିଭାଗର ମୁଖ୍ୟ ଉମା କହିଛନ୍ତି ଯେ, କୋରୋନା ଭାଇରସ କାରଣରୁ ବର୍ତ୍ତମାନ 400ରୁ ଉର୍ଦ୍ଧ୍ବ ଲୋକଙ୍କ ମୃତ୍ୟୁ ଘଟିସାରିଛି । ଯାହାକୁ ନେଇ ସେ ପ୍ରଧାମନ୍ତ୍ରୀଙ୍କ ରିଲିଫ ପାଣ୍ଠିକୁ ଟଙ୍କା ଦାନ କରିବାକୁ ନିଷ୍ପତ୍ତି ନେଇଛନ୍ତି।
ଏଥିସହ ସେ କହିଛନ୍ତି, କୋରୋନା ଭାଇରସ୍ ସମଗ୍ର ବିଶ୍ୱକୁ ଥରାଇ ଦେଇଛି । ଏହା ଆତଙ୍କ ପରିସ୍ଥିତି ସୃଷ୍ଟି କରିଛି। ଦେଶର ଅନେକ ଲୋକ ଏହି ଭାଇରସରେ ପୀଡ଼ିତ। ତେବେ ମୁଁ ଫେବୃଆରୀ 28 ବିଜ୍ଞାନ ଦିବସରେ ଏହି ପୁରସ୍କାର ପାଇଥିଲି। ମୁଁ ପୁରସ୍କାର ସ୍ବରୁପ 2 ଲକ୍ଷ ଟଙ୍କା ପାଇଥିଲି । ତେଣୁ ମୁଁ ଏହି ରାଶିକୁ ପ୍ରଧାମନ୍ତ୍ରୀଙ୍କ ରିଲିଫ ପାଣ୍ଠିକୁ ଦାନ କରିଛି ।
