ଭୋପାଳ: ରାଜସ୍ଥାନର କୋଟାରେ ଫସିଥିବା ଛାତ୍ରଙ୍କୁ ଫେରେଇ ଆଣିବାକୁ ବସ ପଠାଇଛନ୍ତି ମଧ୍ୟପ୍ରଦେଶ ସରକାର । ଲକଡାଉନ୍ କାରଣରୁ ରାଜ୍ୟର ପ୍ରାୟ 2000 ଛାତ୍ର କୋଟାରେ ଫସିରହିଛନ୍ତି । ସେମାନଙ୍କୁ ଫେରେଇ ଆଣିବା ପାଇଁ 150ଟି ବସ କୋଟାକୁ ପଠାଯାଇଛି ।
ସମସ୍ତ ବସକୁ ସାନିଟାଇଜ୍ କରାଗଲା ପରେ ଆଜି ସକାଳୁ କୋଟା ପାଇଁ ବସ ବାହାରିଥିଲା । ବସର ଡ୍ରାଇଭର ଓ କଣ୍ଡକ୍ଟରଙ୍କୁ ପିପିଇ କିଟ୍ ଦିଆଯାଇଛି । ଆଜି ସଂନ୍ଧ୍ୟା ଭିତରେ ସମସ୍ତ ବସ୍ କୋଟା ପହଞ୍ଚିଯିବ ।
ଏହାପରେ ବସ ରାଜସ୍ଥାନର ଭିନ୍ନ ଭିନ୍ନ ଜିଲ୍ଲାକୁ ଯାଇ ଛାତ୍ରଛାତ୍ରୀଙ୍କୁ ମଧ୍ୟପ୍ରଦେଶ ଆଣିବ । ବୁଧବାର ଠିକଣା ସ୍ଥାନରେ ପହଞ୍ଚିଲା ପରେ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯିବ । ଯେଉଁ ଛାତ୍ରଛାତ୍ରୀ ମଧ୍ୟରେ ସଂକ୍ରମଣ ଚିହ୍ନଟ ହେବ ନାହିଁ ସେମାନେ ହୋମ୍ କ୍ବାରେନଟାଇନରେ ରହିବେ ।
