ନୂଆଦିଲ୍ଲୀ: ଶେଷ ପର୍ଯ୍ୟାୟରେ ପହଞ୍ଚିଛି ମହାରାଷ୍ଟ୍ରର ମହାଡ୍ରାମା । ମୁଖ୍ୟମନ୍ତ୍ରୀ ପଦ ପାଇଁ ରାତି ପାହିଲେ ଶପଥ ନେବେ ଶିବସେନା ମୁଖ୍ୟ ଉଦ୍ଧବ ଠାକରେ । ଗୁରୁବାର ତାଙ୍କର ଶପଥ ସମାରୋହ ହେବ । ଉତ୍ସବରେ କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ସାମିଲ ହେବା ଲାଗି ତାଙ୍କୁ ଦିଲ୍ଲୀ ଯାଇ ନିମନ୍ତ୍ରଣ କରିଛନ୍ତି ଶିବସେନା ନେତା ତଥା ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେ ।
ତେବେ ସୋନିଆଙ୍କୁ ନିମନ୍ତ୍ରଣ ଦେବାକୁ ଯିବା ପୂର୍ବରୁ ଆଦିତ୍ୟ କହିଛନ୍ତି,‘ଆମେ ତାଙ୍କର ଆଶୀର୍ବାଦ ନେବାକୁ ଆସିଛୁ ।’ ଏହାସହ ସେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ମଧ୍ୟ ନିମନ୍ତ୍ରଣ କରିଛନ୍ତି । ସୂଚନା ଥାଉକି, ମହାରାଷ୍ଟ୍ରରେ ଶିବସେନା-ଏନସିପି-କଂଗ୍ରେସ ମେଣ୍ଟ ସରକାର ଗଠନ କରିବ । ଶିବସେନା ମୁଖ୍ୟ ଉଦ୍ଧବ ଠାକରେ ଗୁରୁବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ।
