ନୂଆଦିଲ୍ଲୀ: ଯୌତୁକ ନିର୍ଯାତନା ମାମଲାରେ ଫସିଲେ ଫ୍ଲିପକାର୍ଟ ଇକମର୍ସ କମ୍ପାନୀର ସହ-ପ୍ରତିଷ୍ଠାତା ସଚିନ ବଂସଲ । ପତ୍ନୀ ପ୍ରିୟା ବଂଶଲ ତାଙ୍କ ବିରୋଧରେ ଆଣିଛନ୍ତି ଯୌତୁକ ନିର୍ଯାତନା ଅଭିଯୋଗ । ଏନେଇ ସେ ଫେବୃଆରି 28ରେ ବେଙ୍ଗାଲୁରୁ କୋରମଙ୍ଗଳା ଥାନାରେ ଏକ ମାମଲା ରୁଜୁ କରିଥିଲେ । ସଚିନଙ୍କ ବାପା ସତ୍ୟପ୍ରକାଶ ଅଗ୍ରୱାଲ, ମାତା କିରଣ ବଂଶଲ ଓ ଭାଇ ନିତିନ ବଂଶଲଙ୍କ ବିରୋଧରେ ଅଧିକ ଯୌତୁକ ଦାବି ନେଇ ନିର୍ଯାତନା ଦେଉଥିବା ଅଭିଯୋଗ ଆଣିଥିଲେ ପ୍ରିୟା ।
ପ୍ରିୟାଙ୍କ ଅଭିଯୋଗ ମୁତାବକ, ବିବାହ ବେଳେ ତାଙ୍କ ବାପା 50 ଲକ୍ଷ ଟଙ୍କା ଖର୍ଚ୍ଚ କରିଥିଲେ ଏବଂ ସଚିନ ଦାବି କରିଥିବା କାର ବଦଳରେ 11 ଲକ୍ଷ ଟଙ୍କା ଦେଇଥିଲେ ପ୍ରିୟାଙ୍କ ପରିବାର । କିନ୍ତୁ ଏଥିରେ ତାଙ୍କ ପତି ସନ୍ତୁଷ୍ଟ ହୋଇନଥିବାବେଳେ ତାଙ୍କ ନାଁରେ ଥିବା ସମସ୍ତ ସମ୍ପତ୍ତିକୁ ବଦଳାଇ ସଚିନ ତାଙ୍କ ନାଁରେ ସବୁ ସମ୍ପତ୍ତି କରିବା ପାଇଁ ଦାବି କରିଆସୁଥିଲେ । ହେଲେ ଏଥିପାଇଁ ସେ ମନା କରିବାରୁ ସଚିନ ତାଙ୍କୁ ନିୟମିତ ଶାରିରୀକ ଓ ମାନସିକ ନିର୍ଯାତନା ଦେଇଆସୁଥିଲେ । ଏଭଳି କି ସଚିନ ତାଙ୍କ ଭଉଣୀଙ୍କୁ ଯୌନ ନିର୍ଯାତନା ଦେଉଥିଲେ ବୋଲି ଗମ୍ଭୀର ଅଭିଯୋଗ କରିଛନ୍ତି ପ୍ରିୟା ।
ଏନେଇ ଏକ ମାମଲା ରୁଜୁ ହୋଇଥିବା ବେଳେ ଖୁବଶୀଘ୍ର ସେ ଜେରା ହେବେ ବୋଲି କହିଛି ପୋଲିସ । ସେପଟେ ଶ୍ବଶୁର ଘର ଲୋକ ବାହାରେ ଅଛନ୍ତି । ଖୁବ ଶୀଘ୍ର ତାଙ୍କୁ ପଚାରାଉଚୁରା ହେବ ବୋଲି କହିଛି ପୋଲିସ । ଯୌତୁକ ନିର୍ଯାତନା କେସ ରୁଜୁ କରି ତଦନ୍ତ କରୁଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
