ଗାନ୍ଧିନଗର: ଆନ୍ଧ୍ରପ୍ରଦେଶର ମତ୍ସ୍ୟଜୀବୀମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଭାରତର ମୁଖ୍ୟ ବିଚାରପତି ଏସ୍ ବାବଡେଙ୍କୁ ଚିଠି ଲେଖିଛନ୍ତି । କୋରୋନା ସଙ୍କଟକୁ ନେଇ ଚାଲିଥିବା ଲକଡାଉନ ଯୋଗୁଁ ସେମାନେ ନିଜ ରାଜ୍ୟକୁ ଯିବାପାଇଁ ଅସମର୍ଥ ଅଟନ୍ତି ବୋଲି ଚିଠିରେ ଦର୍ଶାଯାଇଛି । ଏହି ଲୋକଙ୍କୁ ନିଜ ନିଜ ଜିଲ୍ଲାକୁ ପଠାଇବାକୁ ପ୍ରଶାସନକୁ ଅନୁରୋଧ କରିଛନ୍ତି। ଗୁଜୁରାଟରେ ପ୍ରାୟ 5 ହଜାର ମତ୍ସ୍ୟଜୀବୀ ଫସି ରହିଥିବା ଚିଠିରେ ଲେଖିଛନ୍ତି ।
ଚିଠିରେ କୁହାଯାଇଛି ଯେ, ଫସି ରହିଥିବା ମତ୍ସ୍ୟଜୀବୀଙ୍କୁ ଆନ୍ଧ୍ରପ୍ରଦେଶର ବିଶାଖାପାଟନମକୁ ପଠାଯିବା ଉଚିତ୍ । ଏହି ଚିଠିରେ ସରକାରଙ୍କୁ 7 ରୁ 8 ଡଙ୍ଗା, 2 ରୁ 3ଟି ମାଲବାହୀ ଜାହାଜ ବ୍ୟବସ୍ଥା କରିବା ଏବଂ ଫସି ରହିଥିବା ମତ୍ସ୍ୟଜୀବୀଙ୍କୁ ନିଜ ରାଜ୍ୟକୁ ପଠାଇବା ପାଇଁ ବ୍ୟବସ୍ଥା କରିବାକୁ ଅନୁରୋଧ କରାଯାଇଛି। ଏହି ସମସ୍ତ ମତ୍ସଜୀବୀ ବିଜୟନଗରାମ ଏବଂ ବିଶାଖାପାଟନମ୍ ଜିଲ୍ଲାର ।
ସମସ୍ତ ମତ୍ସ୍ୟଜୀବୀ କହିଛନ୍ତି ଯେ, ଗତ 20 ଦିନ ଧରି ଗୁଜୁରାଟର ସୋମନାଥ ଜିଲ୍ଲାର ଭେରାଭଲରେ ଆରବ ସାଗର କୂଳରେ ଏହି ଲୋକମାନେ ଫସି ରହିଥିଲେ। ଗୃହ ମନ୍ତ୍ରଣାଳୟ ଅଚଳାବସ୍ଥାରେ ଅସ୍ଥାୟୀ ଆଶ୍ରୟ ଗୃହ ନିର୍ମାଣ କରି ଖାଦ୍ୟ, ଜଳ ଏବଂ ସ୍ୱାସ୍ଥ୍ୟ ସୁବିଧା ଯୋଗାଇଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।
ମତ୍ସ୍ୟଜୀବୀମାନେ ପ୍ରଧାନମନ୍ତ୍ରୀ ମୋଦୀ ଏବଂ ସିଜେ ବବଡେଙ୍କୁ ଲେଖିଥିବା ପତ୍ରରେ ଅଭିଯୋଗ କରିଛନ୍ତି ଯେ ଗୃହ ମନ୍ତ୍ରଣାଳୟର ମାର୍ଚ୍ଚ 29 ତାରିଖ ପରେ ମଧ୍ୟ ଗୁଜୁରାଟ ସରକାର କୌଣସି ସହାୟତା ଯୋଗାଇ ନାହାଁନ୍ତି।
