ଶ୍ରୀନଗର: ଭାରତର ଚିନ୍ତା ବଢ଼ାଉଛି କୋରୋନା । ଅନ୍ୟପଟେ ଘାଟିରେ ଆତଙ୍କ ସହ କୋରୋନାର କାୟା ବିସ୍ତାର ବଢିବାରେ ଲାଗିଛି । ଲଗାତାର ଭାବେ ଜମ୍ମୁ-କାଶ୍ମୀରରେ କୋରୋନା ସଂକ୍ରମଣ ବଢିବାରେ ଲାଗିଛି । ସୋମବାର ଜମ୍ମୁ-କାଶ୍ମୀରରେ 40ରୁ ଅଧିକ ଲୋକ କୋରୋନା ପଜିଟିଭ୍ ହୋଇଥିବା ସୂଚନା ରହିଛି । ଉପତ୍ୟକାରେ ବର୍ତ୍ତମାନ ସମୁଦାୟ କୋଭିଡ ସଂକ୍ରମିତଙ୍କ ସଂଖ୍ୟା 1,668 କୁ ବୃଦ୍ଧି ପାଇଛି ।
ସୂଚନା ଏବଂ ଜନସମ୍ପର୍କ ବିଭାଗ ଦ୍ବାରା ଜାରି ଏକ ବିବୃତ୍ତିରେ କୁହାଯାଇଛି ଯେ, ଜମ୍ମୁ-କାଶ୍ମୀରର 33 ଜଣ ଏବଂ ଜମ୍ମୁ ଡିଭିଜନର 14 ଜଣ କୋରୋନା ସଂକ୍ରମିତ ରହିଥିବା ଜଣାପଡିଛି । ଏବେ କେନ୍ଦ୍ରଶାସିତ ଅଞ୍ଚଳରେ ସମୁଦାୟ କୋଭିଡ-19 ସଂକ୍ରମିତଙ୍କ ସଂଖ୍ୟା 1,668 ରେ ପହଞ୍ଚିଛି ।
ସୋମବାର ଦୁଇଜଣ ସଂକ୍ରମିତ ପ୍ରାଣ ହରାଇଛନ୍ତି । ଏହାସହ ଘାଟିରେ ମୋଟ ମୃତ୍ୟୁ ସଂଖ୍ୟା 23ରେ ପହଞ୍ଚିଛି । କୋଭିଡ-19 ରୁ ମୋଟ ମୃତ୍ୟୁ ସଂଖ୍ୟା 23 କୁ ବୃଦ୍ଧି ପାଇଥିଲା । ଏପର୍ଯ୍ୟନ୍ତ 809 ସଂକ୍ରମିତ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ।
ସୂଚନା ଯୋଗ୍ୟ ଯେ, ଜମ୍ମୁ-କାଶ୍ମୀରରେ ସକ୍ରିୟ ମାମଲା ସଂଖ୍ୟା 836 ରହିଛି । ସେଥିମଧ୍ୟରୁ 216 ଟି ଜମ୍ମୁ ଡିଭିଜନରେ ଏବଂ 620 ଟି କାଶ୍ମୀର ବିଭାଗରେ ରହିଛି ।
@IANS
