ନୂଆଦିଲ୍ଲୀ: ନନ୍ଦା ଦେବୀ ଶିଖରକୁ ଯାଇଥିବା 12 ପର୍ବତାରୋହୀଙ୍କ ମଧ୍ୟରୁ 4 ବ୍ରିଟିଶ ନାଗରିକଙ୍କୁ ଉଦ୍ଧାର କରାଯାଇଛି । ସେମାନଙ୍କୁ ମଧ୍ୟରୁ 8 ଜଣଙ୍କ ସନ୍ଧାନ ଏବେ ମଧ୍ୟ ଜାରି ରହିଛି ।
ଏହି ପର୍ବତାରୋହୀ ଦଳ ମେ 13ରେ ପର୍ବତ ଆରୋହଣ ଆରମ୍ଭ କରିଥିଲେ । 26 ମେ ପର୍ଯ୍ୟନ୍ତ ଏମାନଙ୍କ ସହ ଯୋଗାଯୋଗ ଥିଲା । ମାତ୍ର ମୋ 27 ଠାରୁ ସେମାନଙ୍କ ସହ କୌଣସି ଯୋଗାଯୋଗ ହୋଇପାରିନଥିଲା ।
ନନ୍ଦାଦେବୀର 7826 ମିଟର ଉଚ୍ଚ ପାହାଡରେ ସନ୍ଧାନୀ ଦଳ ରବିବାର ସକାଳେ 4 ବ୍ରିଟିଶ ପର୍ବତାରୋହିଙ୍କୁ ଦେଖିବାକୁ ପାଇଥିଲେ । ଏହାପରେ ସେମାନଙ୍କୁ ଏୟାରଲିଫ୍ଟ କରାଯାଇଥିଲା । ଦୁଇ ଦିନ ହେବ ଏହା ଅଭିଯାନ ଜାରି ରହିଥିଲା । ତେବେ ଶନିବାର ପାଗ ଖରାପ ପାଇଁ ଏହି ଅଭିଯାନରେ ବିଭ୍ରାଟ ଦେଖା ଦେଇଥିଲା ।
ଏଠାରେ ସୂଚନାଯୋଗ୍ୟ, ନିଖୋଜ ପର୍ବତାରୋହୀଙ୍କ ମଧ୍ୟରେ 4 ବ୍ରିଟିଶ୍, 2 ଆମେରିକା, ଜଣେ ଅଷ୍ଟ୍ରେଲିଆ ଏବଂ ଜଣେ ଭାରତୀୟ ପର୍ବତାରୋହୀ ସାମିଲ ଅଛନ୍ତି ।
