ଝାଡଖଣ୍ଡରୁ 4 ନକ୍ସଲ ଗିରଫ

ଝାଡଖଣ୍ଡର ବାନୋ ପୋଲିସ ଷ୍ଟେସନ ପରିସରେ ଥିବା କାନାରୋୱାନ ଜଙ୍ଗଲରେ ସର୍ଚ୍ଚ ଅପରେସନ ବେଳେ ନକ୍ସଲ ଧରାପଡିଛନ୍ତି । ଏମାନେ ପିଏଲଏଫଆଇ ପାଇଁ କାମ କରୁଥିଲେ ।

ରାଞ୍ଚି: ଝାଡଖଣ୍ଡର ସିମଡେଗା ଜିଲ୍ଲାରୁ 4 ନକ୍ସଲ ଗିରଫ । ପିଏଲଏଫଆଇ ( ପିପୁଲ୍ସ ଲିବେରେସନ ଫ୍ରଣ୍ଟ ଅଫ ଇଣ୍ଡିଆ)ର ନକ୍ସଲଙ୍କୁ ଗିରଫ କରିଛି ପୋଲିସ । ସେମାନଙ୍କ ଠାରୁ ବହୁ ଅସ୍ତ୍ରଶସ୍ତ୍ର ସହ ଗୁଳିଗୁଳା ଜବତ କରାଯାଇଛି ।

ରବିବାର ବାନୋ ପୋଲିସ ଷ୍ଟେସନ ପରିସରେ ଥିବା କାନାରୋୱାନ ଜଙ୍ଗଲରେ ସର୍ଚ୍ଚ ଅପରେସନ କରାଯାଇଥିଲା । ଏହି ସମୟରେ ଚାରି ଜଣ ନକ୍ସଲଙ୍କୁ ଗିରଫ କରାଯାଇଛି ବୋଲି ପୋଲିସ ଅଧୀକ୍ଷକ ଶ୍ୟାମ ଟାବ୍ରେଜ କହିଛନ୍ତି। ସେମାନଙ୍କ ଠାରୁ ରାଇଫଲ ଏବଂ ଆଠଟି କାର୍ଟ୍ରିଜ ଜବତ କରାଯାଇଛି ବୋଲି ସେ କହିଛନ୍ତି।

ବ୍ୟୁରୋ ରିପୋର୍ଟ, ଇଟିଭି ଭାରତ